E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Dekriminalizimi/ 15 institucione shkelin ligjin, nuk publikojnë formularët e vetëdeklarimit

23 Maj 2016, 10:39, Aktualitet CNA

Ligji i dekriminalizmit e ka të parashikuar që institucionet e kanë detyrim publikimin e formularëve të vetëdeklaimit në faqen e tyre zyrtare në internet, por një gjë e tillë edhe pse kanë kaluar 5 ditë nga afti nuk ka ndodhur. Këtë detyrim e ka zbatuar vetëm Komisioni Qendror i Zgjedhjeve, pas presioneve të medias dhe opozitës, shkruan gazeta “Sot”.

Mbi 15 institucione shtetërore nuk e kanë zbatuar ligjin për dekriminalizimin për publikimin e të dhënave të formularëve të vetëdeklarimit për zyrtarët në varësi të tyre. Afati i fundit për publikimin e formularëve të vetëdeklarimit ishte data 18 maj. Por edhe pse kanë kaluar 5 ditë që nga përfundimi i afatit ligjor për publikimin e të dhënave të formularëve për zyrtarët që janë subjekt i ligjit, kjo nuk ka ndodhur.

Nga një vëzhgim i shpejtë në faqet online të institucioneve të ngarkuara me këtë proces, shihet qartë se asnjë prej tyre nuk ka zbatuar detyrimin ligjor. Janë mbi 15 institucione që janë të ngarkuar me procesin e plotësimit dhe të administrimit të formularëve të vetëdeklaimit, në kandër të ligjit të dekriminalizimit.

Këto institucione nisin që nga Presidenca, Kryeministria, ministritë, Prefekturat, Shërimi Informativ Shtetëror, Drejtoria e Përgjithshme e Policisë së Shtetit, Departamentit Informativ Shtetëror, KLD,etj.

Ligji parashikon se ?Në çdo rast organi përgjegjës për administrimin merr masa për publikimin e vetëdeklarimeve në faqen zyrtare të tij në internet. Publikimi është i detyrueshëm? Këtë detyrim e ka zbatuar vetëm Komisioni Qendror i Zgjedhjeve që është përgjegjës për deputetët, kryebashkiakët dhe anëtarët e këshillave bashkiakë.

Pra të gjitha institucionet në vend, madje dhe ato të zbatimit të ligjit janë në shkelje të tij, duke filluar nga Kuvendi, KLD, Presidenca, DAP, apo SHISH. Edhe pse mund të përdoret argumenti se formularët janë duke u verifikuar, ligji ka përcaktuar qartë afatet dhe askush nuk mund t?i nëpërkëmbë ato.