web counter
LEXO PA REKLAMA!

SHKARKO APP

App Store
Google Play

Saimir Tahiri përgjoi kreun e kuvendit?/ Betejat e Ilir Metës në qeveri vazhdojnë

21 Maj 2016, 07:46, Aktualitet CNA

Nuk ka vetëm një ?betejë? Rama-Meta në qeverinë e Rilindjes, e cila duket të jetë më e pakta. Së fundi në qarqet politike flitet hapur për një betejë Meta-Tahiri.

Një betejë brenda koalicionit që pak kohë më parë kreu i Kuvendit e ishte me Damian Gjiknurin, në publik me Veliajn dhe tani me Saimir Tahirin. Meta nuk ndalet në përplasjet e tij më ministrat e Ramës duke akuzuar dhe faktuar se punojnë kundër tij në prapaskenë me porosi të Edi Ramës.

Saimir Tahiri akuzohet nga njerëzit afër Metës se ka përgjuar kreun e Kuvendit në aktivitetin e tij të përditshëm. Kjo ka sjellë edhe reagimin me veprime konkrete te Metës. Burime jo zyrtare i thanë citynews se është pikërisht Ilir Meta ai që ka dirigjuar nga pas publikimin e skandalit të përgjimeve, pasi ka mundur të sigurojë informacion të plotë mbi këtë skandal.

Burime nga LSI-ja i thanë citynews, se dyshohet që Tahiri të ketë përgjuar Ilir Metën për t?ja servirur axhendën dhe bisedat e tij Edi Ramës. Ky I fundit kërkon të kuptojë a do qëndrojë Ilir Meta në koalicion apo do largohet dhe do dalë i vetëm në zgjedhje. Dyshimet janë se Edi Rama beson se kreu i kuvendit komunikon me Berishën për informacione që publikon ish-kryeministri. Nga ana tjetër vetë kreu i LSI e ka akuzuar përballë në takime konfidenciale Edi Ramën se flirton me Lulzim Bashën. Kjo situatë mosbesimi ka sjellë edhe dyshimet se Edi Rama nepërmjet Saimir Tahirit të ketë përgjuar kreun e Kuvendit i cili pas zbulimit të skandalit ja ka servirur opozitës publikimin e saj.

Beteja e Ilir Metës më Saimir Tahirin vazhdon, por përballë Meta duket të ketë Edi Ramën, Tahiri është thjesht instrumenti në duart e tij./citynews





Lajmet e fundit nga