web counter
LEXO PA REKLAMA!

SHKARKO APP

App Store
Google Play

Video skandal në qeveri/ Kush është ministri i përgjuar?

21 Maj 2016, 06:15, Aktualitet CNA

Video e kryebashkiakut të Dibrës, Shukri Xhelili publikuar 10 ditë më pare, nuk duket të jetë e fundit për ?Rilindjen?. Një tjetër funksionar i lartë shtetëror dyshohet se është filmuar në një aktivitet aspak të pëlqyeshëm. Nga pushteti vendor në atë qëndror, pritet që një tjetër video-skandal të vijë për publikun, por këtë herë bëhet fjalë për një ministër.

Prej disa ditësh në qarqet mediatike ?fluturon? lajmi se ekziston një tjetër video e cila do publikohet së shpejti ku është përfshirë një ministër i qeverisë.

I pari që paralajmëroi në skandal tjetër edhe më të madh është ish-kryeministri Sali Berisha i cili të enjten në parlament tha se një skandal më i madh dhe të tjerë skandale do i publikohen qeverisë.

Por fjala e Berishes nuk ka ngelur edhe pa një tjeter zë publik. Moderatori i Zonë e Lirë në TV Klan, Arian Cani, dje në mbremje gjatë emisionit të tij tha ?gojët e liga thonë se ka një tjetër video, po një tjetër, por këtë herë në rangjet e larta qeveritarë?, u shpreh moderator.

Ky ishte artikulimi i parë publik i një video-skandali që përflitet se ekziston për një ministër të qeverisë Rama.

Ende nuk ka asnjë informacion të plotë për video-skandalin, por flitet se është një mardhënie intime.

Video pritet të publikohet së shpejti, por dalja e fjalëve mund të sjellë edhe bllokimin e saj. Nuk dihet ende cili nga ministrat është i përfshirë në video skandal dhe kush janë arsyet e vërteta të ?sulmit? që në fakt cojnë drejt një ?termeti? që pritet të krijohet nga ky publikim.

Pasojat mund të fillojnë nga dorëheqja e një ministri, një riformatim i fortë i qeverisë një vit përpara zgjedhjeve elektorale, por ndoshta edhe një palë zgjedhje të parakohëshme janë një opsion pas këtij skandali që pritet./citynews





Lajmet e fundit nga