Partia Socialiste nuk gjen dot kryetarë degësh/Rilindja kërkon në çdo qelizë

20 Maj 2016, 08:31, Aktualitet CNA

Në kuadër të riorganizimit, Partia Socialiste, do të zgjedhë kryetarët e degëve në të gjithë vendin por ata që kanë një funksion në administratë apo janë të zgjedhur në poste politike uk mund të zgjidhen. Kjo formulë e re ka sjellë probleme për Partinë Socialiste për gjetjen e kryetarëve të cilët duhet të jënë të ?papunë?.

Burime nga selia rozë konfirmuan për cityneës se Partia Socialiste është në kërkim të personave që nuk ushtrojnë një poste publike për ti zgjedhur në krye të degëve. Pra, në rast se një nga socialistët ushtron funksione publike, deputet, ministër apo poste të tjera nuk mund të zgjidhet kryetar i degës. Në rast se mer postin e kreut të degës duhet të braktisë detyrën dhe të kthehen në një burokrat në zyrate e PS-së.

Me këtë veprim Partia Socialiste po kërkon të zgjedhë në krye të degëve si funksionarë vetëm për partinë. Por, ajo që duket se do të krijojë turbullira brenda ?Rilindjes? duket se është mungesa e personave që nuk janë të punësuar në poste publike.

Aktualisht, shumica e kryetarëve të degëve janë të punësuar në poste publike dhe nuk mund të kandidojnë për kreun e degës. Njerëzit me merita politike, por edhe me reputacion brenda socialistëve janë në drejtimin e institucioneve lokale apo qëndrore.

Burimet brenda PS theksuan se duket e vështirë që funksionarët aktualë të tërhiqen nga postet aktuale dhe PS-ja gjendet përballë problemit të gjetjes së emrave për kryetarë degësh.

Por, persona të tillë dhe të aftë, me reputacion dhe pa poste, për të drejtuar degët e PS në vend janë të paktë, ose nuk ka fare. Kjo po bën që PS-ja të drejtohet tek njerëz pa mbështetje tek baza socialiste, por që në emërimin e tyre mund të quhen sukses dhe hapje e bazës. Në fund do rezultojë që degët e PS-së do të drejtohen nga individë të panjohur dhe pa asnjë eksperiencë në politikë.

Kjo ndoshta është një strategji e kryeministrit Edi Rama për të rrënuar edhe më shumë strukturat e bazës së Partinë Socialiste dhe për të ngritur më lart Rilindjen në parti./citynews