web counter
LEXO PA REKLAMA!

SHKARKO APP

App Store
Google Play

Kërcënimi i Roshit për Blushin/ Mimoza Hafizi: Jam dëshmitare, pushteti po inkurajon kërcënuesin

20 Maj 2016, 14:46, Aktualitet CNA

Deputetja e Partisë Socialiste, Mimoza Hafizi, shprehet se ka qenë dëshmitare kur kryebashkiaku i Kavajës, Elvis Roshi, i ka dërguar mesazhin kërcënues deputetit Ben Blushi. Përmes një postimi në rrjete sociale, Hafizi shkruan se mesazhi ishte rrënqethës për nga guximi që të kërcënohet hapur një deputet dhe se pushteti po e mbron kërcënuesin. Ajo shkruan se mes deputetit Ben Blushi dhe dhe kryebashkiakut të Kavajës nuk ka pasur asnjë komunikim personal, sic pretendon kreu  grupit parlamentar. Hafizi shprehet e habitur se si ka mundësi që askush nga pushteti nuk pyeti se cfarë përmban ai mesazh.

Postimi i Hafizit

Jam dëshmitare e çasteve të para të mbërritjes së sms së kryebashkiakut të Kavajës në telefonin e deputetit Blushi. Ishte një mesazh rrënqethës për nga guximi që të kërcënohet hapur një deputet, nga motivi politik i kërcënimit për shkak të detyrës së deputetit, nga fjalori i rëndë shokues. Nuk ka pasë asnjë komunikim personal mes deputetit dhe kryebashkiakut, siç u pretendua nga kryetari i grupit parlamentar PS. Si nuk pyeti dikush nga pushteti se çfarë përmban ai mesazh? Si ka mundësi që dje në parlament dhe sot i gjithë pushteti po mbron kërcënuesin? Po nxisin kërcënime të tjera? Po inkurajojnë vazhdimin e dhunës?





Lajmet e fundit nga