E fundit!

16:26 Politikë

Protestat dhe investimi në Zvërnec/ Rama për “France 24”: Ndërhyrje nga Irani dhe rajoni

Kryeministri Edi Rama dha një intervistë për median presti...

Zhduket aparatura e përgjimit

19 Maj 2016, 10:58, Aktualitet CNA

Ende nuk ka asnjë të dhënë zyrtare se ku ndodhet pajisja e përgjimit e Ministrisë së Brendshme. Kjo pajisje ka hapur shumë debat ditët e fundit, por ajo vijon të jetë ende mister. Asnjë prej institucioneve përgjegjëse nuk e ka parë atë përveç policisë, teksa prokuroria po vijon me hetimet për gjetjen e saj.

Prokuroria dyshon se ajo mbahet nga policia e për këtë arsye ka marrë në pyetje disa prej drejtorëve të policisë në vend. Teksa të martën u tha se kishte shkuar në ambientet e Prokurorisë së Tiranës vetëm zv/drejtori i Policisë së Shtetit, Ardian Çipa, janë marrë 6 orë në pyetje dhe kreu Haki Çako, si dhe shefi i forcave operacionale së policisë, Artion Duka dhe drejtori teknik i efektivëve blu, Edmond Goga. I pari që është pyetur ka qenë kreu i policisë, Haki Çako, i cili u ka qëndruar pretendimeve të ministrit Saimir Tahiri.

Gazeta “Sot” shkruan se ai ka deklaruar se nuk bëhet fjalë për një pajisje që përgjon bisedat telefonike, por vetëm identifikon numrat celularë. Nga ana tjetër, ai ka thënë se pajisja nuk është në pronësi të policisë, por e ka Interforca italiane. Pas tij është marrë në pyetje Ardian Çipa. Edhe ia ka thënë se ekziston një pajisje, por që shërben për zbulimin e numrave, por ka mohuar që të jetë përgjuar dikush. Por ndryshe nga sa ka deklaruar ministri Tahiri se pajisja po përdoret në Akademinë e Rendit, Çipa ka thënë se ajo është përdorur për trajnimin e efektivëve të grupit të operacioneve. Kjo ka bërë që prokurorët të marrin në pyetje kreun e forcave operacionale, Artion Duka. Ai ka thënë se efektivët kanë përdorur një pajisje të tillë, duke shtuar se ka qenë vetëm për trajnimin e tyre, teksa ka thënë se ajo shërben vetëm për identifikimin e numrave.

Ai ka pranuar se kjo pajisje ka qëndruar në drejtorinë e tij. Prokurorët gjithashtu, kanë pyetur edhe Drejtorin Teknik të Policisë, i cili ka sqaruar anën teknike të kësaj pajisje, duke mohuar që ajo aparaturë kryen përgjime telefoni. Të gjithë zyrtarët kanë thënë se aktualisht pajisja është te Iterforca italiane. Nga ana tjetër prokuroria do të marrë shumë shpejt në pyetje të gjithë efektivët që janë trajnuar me këtë pajisje.