web counter
LEXO PA REKLAMA!

SHKARKO APP

App Store
Google Play

Kadeli i LSI: Pajisja e përgjimit ekziston, personat përgjegjës duhet të hetohen

19 Maj 2016, 07:57, Aktualitet CNA

Në një deklaratë për mediat nga qyteti i Lezhës, deputeti i LSI, Gjovalin Kadeli ka folur në lidhje me debatin e fundit për përgjimet. Sipas Kadelit pajisja e përgjimit e Policisë së Shtetit ekziston dhe kjo është pranuar publikisht, por nga ana teknike nuk jemi të qartë se si ajo fuksionon?.

Sipas tij nuk duhet të kemi frikë nga përgjimet, por mjafton që gjithçka të jetë korrekte dhe jo në mënyrë selektive, pasi në të kundërt personat përgjegjes duhet të hetohen.

?Pse duhet të shqetësohemi pse përgjohemi? Dhe e dyta a duhet përgjohemi lligjërisht? Nga përgjimet dhe transparenca nuk ka arsye pse të ketë frikë asnjë individ, duke filluar nga Presidenti i Republikës deri tek qytetari në skajin më të largët të Shqipërisë. Pajisja është pranuar që ekziston por nga ana teknike nuk jemi të qartë lidhur me funksionin. Për mua si deputet pak e rëndësishme është ekziston apo jo, e rëndësishme është që përgjimi të jetë korrekt, të mos përgjohet në mënyrë selektive, gjithmonë flas për njerëz që janë të paautorizuar nuk flas për ata që marrin autorizimet e duhura nga gjykata. Kjo i takon Prokurorisë për ta vërtetuar, nëse kjo ka ndodhur kushdoqoftë duhet të mbajë përgjegjësi sepse është një shkelje e të drejtave themelore të njeriut.?- deklaroi Kadeli.

Gjithashtu deputeti Kadeli thotë se përgjimet kanë qenë prezente edhe në kohen e Qeverisë së Partisë Demokratike dhe kjo nuk është një gjë e re./ Citynews





Lajmet e fundit nga