web counter
LEXO PA REKLAMA!

SHKARKO APP

App Store
Google Play

Artan Hoxha: Pse nisi 2 muaj me vonesë procedimi për skandalin e përgjimeve?

18 Maj 2016, 21:59, Aktualitet CNA

Gazetari investigativ Artan Hoxha është shprehur se pas deklarimeve të sotme nga Shefi i Shërbimit Informativ Shtetëror Visho Ajazi Lika dhe Kryeprokurorit Adriatik Llalla në Komisionin e Sigurisë bën përshtypje një detaj i rëndësishëm. I pranishëm në emisionin “Top Show” ku po diskutohet tema “Siguria dhe përgjimet” Hoxha tha se sipas drejtuesit të SHISH, komunikimi për ekzistencën e një pajisje përgjuese në vend është bërë për Kryeprokurorin në fillim të marsit. Ndërsa po sipas deklaratës në seancën e sotme dëgjimore, Hoxha tha se hetimet kanë nisur në 13 maj, pra rreth 2 muaj me vonesë. “Pse nisi 2 muaj me vonesë procedimi për skandalin e përgjimeve?” ngriti pyetjen gazetari Hoxha.

Ai shtoi se publiku duhet të dijë se çfarë ka ndodhur gjatë këtyre dy muajve, pas bisedës verbale dhe jo zyrtare mes Visho Ajazit dhe Adriatik Llallës. Gazetari vijoi duke artikuluar se policia shqiptare ka përdorur pajisje përgjuese për të identifikuar dhe kapur grupe kriminale. Lidhur me deklarimin e Kryeprokurorit në Komisionin e Sigurisë, i cili nuk pranoi të jepte detaje me pretendimin se i përkasin procesit hetimor, Hoxha tha se kjo nuk përbën çudi dhe se shefi i organit të akuzës nuk doli nga vetja. Gazetari shtoi se dy prokurorët që po hetojnë për pajisjen përgjuese kanë thirrur sot të gjithë zinxhirin komandues të policisë së shtetit./citynews





Lajmet e fundit nga