web counter
LEXO PA REKLAMA!

SHKARKO APP

App Store
Google Play

Sokol Balla: Rama harron të bëjë gjërat për të cilat është votuar

18 Maj 2016, 19:47, Aktualitet CNA

Gazetari dhe moderatori i emisionit “Top Story” Sokol Balla është shprehur se Kryeministri Edi Rama e quan veten misionar , por harron të bëjë edhe gjërat për të cilat populli e ka votuar. I pranishëm në emisionin Zululand të gazarit Mustafa Nano, Balla tha ?Ai e quan veten misionar për të bërë disa gjëra për ta ndryshuar Shqipërinë në mënyrën si ai e mendon. Problemi është që kujt i bie të jetë kryeministër, nuk mund të bësh thjesht gjërat që ti mendon, ti duhet të bësh dhe gjërat që mendojnë dhe ata që të kanë votuar ty? .

Nano dha mendimin e tij se Rama ka dy armiq: Një paaftësinë e tij dhe e dyta sabotimin e Berishës. Apo siç e tha më ndryshe ?Rama është ?sanduiç? mes paaftësisë së tij dhe sabotimit të institucioneve të Berishës?.

Ndërsa Sokol Balla tha se Rama e ka pranuar edhe vetë se është i paaftë për të qenë një politikan.

?Paaftësia e Ramës për të qenë politikan është një paaftësi që ai nuk e ka fshehur dhe e ka pranuar më sakt se nuk është paaftësi por është zgjedhje që ka bërë. Ka thënë unë nuk jam politikan, nuk jam politikan tradicional?, u shpreh Balla në studion e Zululand.

Në pjesën e parë Nano dhe Balla u ndalën edhe pak të çështjet private sa i takon marrëdhënies me fenë por edhe jetës personale, që Balla tha se kërkon të qëndrojë larg vëmendjes mediatike.





Lajmet e fundit nga