E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Fleckenstein për DW/ Partitë politike 6 javë kohë për të përmbyllur Reformën në Drejtësi

18 Maj 2016, 18:23, Aktualitet CNA

Raportuesi për Shqipërinë në Parlamentin Evropian, Knut Fleckenstein qendroi në Shqipëri. në intervistë për DW ai flet mbi reformën në drejtësi, ligjin e dekriminaliizmit dhe mundësinë e hapjes së negociatave me BE-në.

DW: Në agjendën e kësaj vizite ju kishit përfshirë veç pjesmarrjes në sesionin e rradhës të bashkëpunimit mes Parlamentit të Shqipërisë dhe Parlamentit Europian dhe bashkëbisedimin me studentët e pedagogët në Universitetin e Shkodrës. Problematikën e integrimit kërkoni ta ndani dhe jashtë ambjenteve të politikës, apo jo?

Knut Fleckenstein: Sigurisht. Sa herë jam në Shqipëri kërkoj ta shfrytëzoj kohën që krahas kontakteve intensive me kolegët politikanë këtu të futem në bisedë, të dëgjoj edhe sa më shumë zëra publikë. Studentët po e po, sepse këtë e kam bërë dhe më parë, por dhe me përfaqësues të shoqërisë civile, nga komuniteti i biznesit, apo me qytetarë të thjeshtë. Në pozicionim që jam çdo kontakt e vlerësoj maksimalisht. Nga takimi me studentët e pedagogët jam shumë i emocionuar. Ata folën hapur, shprehën mendime shumë interesante. Janë zëra që duhen dëgjuar dhe vlerësuar për mënyrën se si e shikojnë të ardhmen e këtij vendi. Integrimi europian nuk është ?pronë? vetëm e politikanëve dhe shtetarëve, por e qytetarëve, e çdo grupi interesi, një çështje e të gjithë vendit. Krahas kontakteve me kolegët shqiptarë në politikë unë planifikoj dhe takime me të tjerët, për të verifikuar edhe më mirë gjërat, çfarë shkon dhe çfarë nuk shkon. Se po të kap përshembull një superçështje të ditës, që është reforma në drejtësi, në bisedat me qytetarët kupton se vërtet ata nuk është se i dinë të gjitha detajet e këtij procesi, por shprehin hapur bindjen se realizimi i saj është për një të ardhme më të mirë të vendit. E shohin si bazë për realizimin e reformave të tjera, si bazë për më shumë investime në Shqipëri, për një jetë më të mirë të tyre dhe familjeve.

DW: Meqë jemi te reforma në drejtësi, që ju e përshkruat si superçështje për vendin, a nuk ju duket se ajo po ecën shumë ngadalë? Diku bëhet një kompromis që shoqërohet me optimizëm, pastaj vjen një pretendim a kusht që sjell ?vendnumëro?-në. A po keni një vlerësim tjetër?

Knut Fleckenstein: Shikoni, opinioni im është që partitë kryesore në Shqipëri kanë shprehur dhe shprehin gatishmëri për të ecur përpara në këtë proces të rëndësishëm. Por dhe koha ecën. Kanë mbetur rreth 6 javë për ta përmbyllur. Brenda kësaj kohe politikanët e këtij vendi duhet të tregojnë me veprime se do ta bëjnë një gjë për të cilën kanë premtuar, pra, për të votuar një paketë ligjore që ndikon në përmirësimin e situatës në sistemin e drejtësisë, por jo vetëm në këtë aspekt. Unë besoj se klasa politike do të dijë të reagojë me maturi dhe përgjegjësi të lartë, jo se është një detyrim për BE-në, por në rradhë të parë për popullin shqiptar që meriton një jetë më të mirë.

DW: Reforma është e lidhur edhe me aktin potencial të hapjes së negociatave për integrimin në BE, për të cilin ju, por dhe politikanë të tjerë perëndimorë keni artikuluar si kohë këtë vjeshtë, apo jo?

Knut Fleckenstein: Kjo është e qartë, nëse reforma kalon dhe nis natyrshëm procesi i zbatimit të saj konkret, atëherë ky do të ishte një hap në kohën e duhur dhe për gjënë e duhur për vendimarrjen në vjeshtë mbi hapjen e negociatave me BE-në. Ky nuk është problemi i vetëm. Nga ana tjetër dhe BE-ja ka sfidat e veta, janë zgjedhjet në Francë a në Gjermani, kushdo e di që kjo nuk është koha më e artë për zgjerimin, por Shqipëria duhet ta bëjë detyrën e vet për të mos stimuluar një shtyrje të paktën me tre vite të tjera të procesit. Jemi në këtë pikë: politikanët e këtushëm të bëjnë ?detyrat e shtëpisë?, në mënyrë që dhe politikanët europianë të mbajnë premtimet dhe të bëjnë dhe po ata ?detyrat? e tyre. Një gjë mbetet shumë e rëndësishme: në rreth 6 javët e ardhshme ju do të shikoni qartë, nëse ky vend udhëhiqet nga politikanët e partive kryesore që janë votuar, apo nga njerëz të tjerë të cilët nuk janë votuar.

DW: Rreth pesë muaj më parë, ju dhe kolegu juaj Kukan, ishit mjaft optimistë kur parlamenti në Tiranë miratoi me votat e bashkuara të mazhorancës dhe opozitës një ligj për dekriminalizmin. Vijoni të jeni po optimist për zbatimin e këtij ligji?

Knut Fleckenstein: Kemi testin e zgjedhjeve të vitit të ardhshëm. Do shikojmë realisht se cilët do të jenë kandidatët. Do shikojmë se sa të vërtetë ishin partitë kryesore kur votuan së bashku atë ligj. Do presim dhe votat e publikut për kandidatët që partitë do t’u ofrojnë. Ligji është të shikojmë se si do të zbatohet. Media ka një rol shumë të rëndësishëm në këtë aspekt./DW