E fundit!

11:01 Aktualitet

Klodjan Braho mesazh të qartë politikës: Për SPAK të gjithë janë të barabartë para ligjit

Kreu i SPAK Klodjan Braho i ka përcjellë mesazhin e qartë ...

Spartak Ngjela: Të gjithë të korruptuarit janë trembur

18 Maj 2016, 15:41, Aktualitet CNA

Avokati dhe Kreu i Partisë Ligj dhe Drejtësi, Spartak Ngjela shprehet se të korruptuarit në vendin tonë janë trembur prej Reformës në Drejtësi. Përmes një postimi në rrjetet sociale, Ngjela shprehet se Reformën e kërkojnë të gjithë ndërkombëtarët. Ngjela shton se asnjë skandal nuk e ndal Reformën në Drejtësi.

Postimi i plotë i avokat Spartak Ngjelës

Kush thotë që Shqipëria nuk është e rëndësishme në këtë kohë?
Asambleja Parlamentare e NATO-s në Tiranë
Edhe kjo rastësi e papërfillshme është?
Procesi duket i pakthyeshëm. Reformën shqiptare e kërkojnë të gjithë ndërkombëtarët. Por Lulëzim Basha nuk mund të shkojë në Asamble”se ka një angazhim ndërkombëtar”, në fakt asgjë, vetëm frikë nga Reforma. Ku ka gjë më të rëndësishme në historinë e shtetit shqiptar! Por Basha do shkoje ne piknik. Kurse PS ù tall me Bashen e trembur nga NATO. Në fakt frika është iracionale.
Të gjithë të korruptuarit janë trembur. Janë në panik në një kohë që janë afër fundit.
Pse, vërtet mendoni që nuk do ushtrohet presion i madh mbi këta pushtetarë që nuk kanë asnje forcë, dhe po qajnë përditë pafuqine e tyre në mbrojtje të banditizmit që kanë kryer?
Kur vodhën dhe abuzuan mbi shqiptaret, kurrë nuk e menduan moralitetin se mund të vendosej në Shqipëri. Por tani koha ka mbaruar. Nuk kanë fare mundësi rigrupimi. Prandaj janë lëshuar si fëmijë mbi gjithçka të shkruar me lloj lloj skandalesh. Kot. Asnjë skandal nuk e ndal Reformën shqiptare. Ajo do jete e thellë…kurse shqiptarët ndihen të braktisur. “A do të kemi ndonjëherë shtet?” … më pyeti dje, i vrarë në fytyrë, një burrë i thjeshtë në Tepelenë?
Ja, kjo është pyetja që bëjnë të gjithë, në pritje të shohin diellin në vendin e tyre. Kur do të ketë një shtet të drejtë shqiptar?
Nuk ka kthim mbrapa. Nuk bashkohen dot Meta dhe Berisha kundër NAT0-s, kot presin fëmijët e kopshtit politik shqiptar. Asgjë nuk ka kthim. Të gjithë kokëulur do të shkojnë në qershor të votojnë Reformën në Kuvendin e Shqipërisë.
Futeni sa më shpejt Reformën në Parlament!… që shqiptarët të shohin me optimizëm shfaqen më të bukur të historisë së tyre: vallen e ndëshkimit që do te hedhin me imponim abuzuesit e tyre, dhe duartrokitjen e Asamblesë së NATO-s në Tiranë.