PDIU mbyll fushatën për zgjedhjet në parti

18 Maj 2016, 13:44, Aktualitet CNA

Nga qyteti i Pogradecit Partia, Drejtësi, Integrim dhe Unitet ka mbyllur fushatën për zgjedhjet në parti të cilat do zhvillohen në datën 21 maj. Në këtë takim ishin të pranishëm kryetari i PDIU-së, z.Shpëtim Idrizi si dhe deputetët Mesila Doda, Aqif Rakipi dhe Tahir Muhedini. Në takimin me mbështetësit në qytetin e Pogradecit, z.Idrizi u shpreh se është detyrim kushtetues që të bëhet bashkimi kombëtar dhe identiteti kombëtar.
?Ne e kemi detyrim kushtetues, i ftoj të gjithë politikanët që të lexojnë preambulën e Kushtetutës së Shqipërisë, ku flitet që ne e kemi aspiratë bashkimin dhe identitetin kombëtar dhe kjo është PDIU. Ju jam shumë mirënjohës për praninë tuaj këtu, për zërin tuaj, i cili do të bashkohet me forcën e PDIU-së. Ne jemi të bindur miqtë e mi, se vetëm duke qenë bashkë do të jemi një parti më e fuqishme, një zë më i fuqishëm. Kur them që ftoj politikanët shqiptarë të lexojnë preambulën e Kushtetutës, kam parasysh faktin, që ne u nisëm nga një padrejtësi familjare, por personale, por ne e kthyem kokën pas për amanetin e të parëve. E mbajtëm kokën lart si shqiptarë të Çamërisë dhe si shqiptar të cilët e duam Shqipërinë, jo me njerëz të dobët, të varfër, të përçarë, të ndarë ashtu si na do politika shqiptare e të dy krahëve. Ne e duam në radhë të parë shqiptarin me dinjitet dhe dinjiteti vjen duke qenë të qartë për identitetin kombëtar, duke qenë të qartë dhe krenarë se ne jemi shqiptarë që kemi dhënë shumë, jo vetëm këtij vendi por i kemi dhënë shumë edhe historisë së kombeve më të zhvilluara?, tha z.Idrizi.

Gjithashtu kryetari i PDIU-së i bëri ftesë shqiptarëve të anëtarësohen në PDIU, në mënyrë që të ndryshojnë politikën, pasi sipas tij politikanët kërkojnë ti mpijnë me një opium, që në Parlament të mos diskutohet për hallet e problemet e qytetarëve.
?Keni parë politikën për 25 vjet. Miqtë e mi shihni çdo të enjte Parlamentin e Shqipërisë, që edhe ne që jemi aty shumë herë na vjen turp, që bëhemi pjesë e saj. Shihni politikën, se si në atë Parlament flitet për gjithçka, por vetëm për ligje, vetëm për ekonominë, vetëm për prosperitetin e shqiptarëve, vetëm për një zhvillim ekonomik të qëndrueshëm nuk flitet. Pse? Sepse ata duan t?ju japin ju, t?ju mpijnë me një opium njerëzor, që ju të mos kuptoni dhe të ktheheni thjesht dhe vetëm në tifoz. Jo! Ne jemi qytetarë të dorës së parë, ne duam qeverisje të mirë, ne duam Parlament që të falsë për hallet dhe promblemet dhe ti japin zgjidhje shqiptarëve. E si do ta arrijmë ne miqtë e mi këtë gjë, duke bërë sehir ata njerëz që fatkeqësisht nuk janë ata që duhet t?ju përfaqësojnë ju, duke mbetur jashtë politikës, duke e konsumuar atë darkë për darkë, apo nëpër klube? Jo miqtë e mi! Unë ju ftoj të vini në PDIU, të futeni brenda poltikës shqiptare e ta ndryshojmë bashkë atë. Kjo është arsyeja pse ne jemi këtu, kjo është arsyeja pse ne përditë shkojmë dhe kontaktojmë në të gjithë trevat dhe qytetet e Shqipërisë. PDIU është nisur me zemër, por ne sot jemi nisur për t?u bërë një parti e madhe e të gjithë shqiptarëve, nga Tropoja, nga Lezha, nga Dibra, nga Tirana, nga Vlora, nga Pogradeci, nga Korça, kudo ku ka dhe rreh zemër shqiptari. E unë jam i bindur që edhe këtu në Pogradec ka djem e vajza patriotë, ka djem që e duan Pogradecin dhe gjithë Shqipërinë. Prandaj unë ju ftoj të vini në PDIU, për bashkimin kombëtar të shqiptarëve, për të gjithë shqiptarët bashkë, për integrim europian që do të fillojë nga integrimi i shqiptarëve?, u shpreh z.Shpëtim Idrizi.

Deputeti Aqif Rakipi tha se: ?Në zgjedhjet e ardhshme do t?i kemi të gjitha strukturat të ngritura, për arsye që të kemi sa më shumë deputetë dhe që mund t?ju ndihmojnë të gjithë juve, për hallet dhe promblemet që keni. Bashkohuni me ne, që të bëhemi faktor në politikën shqiptare?.

Ndërsa deputeti Tahir Muhedini u shpreh se: ?Ne jemi forca e katërt politike në Parlamentin Shqiptar, por pretendimet tona janë shumë më të mëdha. Ne këtu në qarkun e Korçës, me punën tuaj duhet të nxjerrim deputetin nga PDIU. Duhet të kemi një gjë të qartë, që programi i forcës tonë politike është program për shqiptarët kudo që janë. Ftoj të gjithë të rinjtë dhe qytetarët e Pogradecit të bashkohen me PDIU-në?.