E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kontradikta për përgjimet/ Patozi: Tahiri dhe Çako të zgjedhin se cili do dorëhiqet

18 Maj 2016, 13:01, Aktualitet CNA

Deputeti demokrat Astrit Patozi ka deklaruar se Drejtori i Përgjithshëm i Policisë Haki Çako ose Ministri i Brendshëm Saimir Tahiri duhet të dorëhiqet lidhur me kontradiktat në deklaratat e dhëna sot në mbledhjen e Komisonit të Sigurisë. Patozi i drejtoi disa pyetje ministrit Tahiri për pajisjen e cila pretendohet se është përgjuar nga policia e Shtetit.

Pjesë nga debati në Komisionin e Sigurisë

PATOZI: Është e qartë kontradikta e madhe që qëndron mes deklaratave të kreut të policisë dhe ministrit. Ai thotë se nuk ka një pajisje që përdoret për gjëra të kësaj natyre, ndërsa ministri thotë se ka një pajisje të sofistikuar që përdoret për trajnim. E keni menduar se cili nga ju të dy duhet të japë dorëheqjen, se të dy nuk mund të qëndroni në detyrë?
Policia e shtetit a ka detyrim që këto pajisje t?i deklarojë dhe t?i regjistrojë?
Ju thoni se kjo pajisje përdoret për trajnim, pajisje të tjera të paregjistruara përdorni ju në trajnim? Për shembull armë të paregjistruara?
Kur policia bën qitje, ushtrohet, e bën me tabela apo vendos njerëz? Se siç i thoni ju për t?u trajnuar si përgjues duhet patjetër të përgjosh. Pse duhet që për të mësuar teknikën e përgjimit, duhet patjetër të përgjosh. Ju e pranoni që është një pajisje e sofistikuar. Pajisje të tilla zakonisht i bëjnë të gjitha, varët se çfarë i fut. Çfarë garancie kemi ne si qytetarë që kjo pajisje nuk do të keqpërdoret kundër interesave të qytetarëve, opozitës, dhe interesave të këtij shteti?

TAHIRI: Gjykimi juaj se kush duhet të lërë detyrën i bie ta lini ju.

NOKA: Nuk jeni këtu për të thënë kush duhet të lërë detyrën. Ju duhet ta kishit lënë që me Frrokun, Shullazin, Balilin.

TAHIRI: Meqë pyetja juaj me drejtohet kush do e lërë detyrën, ky standard i së vërtetës bën që të lini ju se nuk keni kuptuar asgjë.

NOKA: Kërkoni ndjesë?

TAHIRI: Unë nuk kërkoj ndjesë se nuk fyeva askënd?

NOKA: Nëse nuk kërkoni ndjesë ju dilni jashtë.

TAHIRI: Në inventarin e vet policia nuk ka asnjë pajisje të tillë. Për këtë trajnim partnerët na kanë sjellë një pajisje që nuk bën përgjim. Nëse për hir të debatit politik ju i përdorni këto fjali është tjetër gjë. Kjo pajisje nuk ka as mundësinë fizike të bëjë përgjim. Sa i takon pajisjeve me të cilat bën trajnim policia, për të forcuar mundësitë infrastrukturore që policia të përgatitet më mirë bëhet trajnim me çdo mjet të ligjshëm. Këto trajnime janë të shumëllojshme, dhe policia nuk shkel ligjin duke përdorur pajisje të paligjshme. Nuk mund të them nëse është regjistruar në doganë apo jo, nuk jam doganier.