E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Dhuna ndaj gazetarit të Citynews/ Reagon Partia Demokratike

18 Maj 2016, 15:20, Aktualitet CNA

Partia Demokratike ka reaguar pas skandalit të dhunimit dhe shoqërimit në komisariat të gazetarit të Citynews, Genc Pisharit. Përmes një deklarate për mediat, deputeti i selisë blu, Luçiano Boçi është shprehur se bandidizmi me uniformë policie i turret fjalës së lirë sikur kjo të ishte figurë krimi dhe jo figura e së vërtetës. Në reagimin e Boçit thuhet se Partia Demokratike dënon aktin e ndalimit të gazetarit Genci Pishtari.

Deklaratë e deputetit të Partisë Demokratike, Luçiano Boçi

I ndodhur në ngjarje dhe duke filmuar aktin e dhunimit te një gruaje 60 vjecare, shitëse ambulante në një nga rrugicat e Tiranës, gazetari i CityNews Genci Pishtari, ka rënë pre e dhunës së policëve Bashkiake dhe më pas atyre të Rendit.
Madje duke “e plasur” atë në birucat e Komisariatit nr. 4
Banditizmit policesk që tashmë lëviz e koordinohet në linjën Polici Bashkiake-Polici e Rendit, ndaj gazetarit të CityNews, dukshëm tregon arrogancën e një pushteti të degraduar në çfo qelizë, e një pushteti të dalë duarsh e medsh!
Të jesh sot gazetar në Shqipëri nuk është e lehtë.
Të jesh gazetar denoncues i padrejtësive, i dhunës, i aferave, koncensioneve zhvatëse, korrupsionit, në vendin tonë po bëhet gjithnjë e më e pamundur!!
“Junta” policore e Ramës nuk të lë të ushtrosh profesionin tënd siç bëri sot me Genc Pishtarin dhe siç ka bërë me shumë të tjerë përgjatë këtyre tre viteve.
Junta ka frikë nga gazetaria e lirë dhe kërkon ta mbyllë atë komisariateve, ta përgjojë e ta linçojë.
Junta i trembet së vërtetës prandaj, kërcënon, dhunon e burgos.
Junta s’ka arsye. Ajo ka vetëm urrejtje për qytetarët e saj dhe për ata që mbrojnë qytetarët!
Bandidizmi me uniformë policie i turret fjalës së lirë sikur kjo të ishte figurë krimi dhe jo figura e së vërtetës.
Arrestimi dhe dhunimi i Genc Pishtarit, është ulërimë për lirinë e medias dhe nivelin e demokracisë, por dhe njëkohësisht grahma e një pushteti qesharak që numëron me ankth rënien e merituar.
Sot krimi ka çelësat e shtetit që mbyllin portat e qelive ndërsa gazetarëve dhe qytetarëve u janë lënë vetëm qelitë.
PD dënon aktin e ndalimit të gazetarit Genci Pishtari të bërë sot dhe kërkon lirimin e tij të menjëhershëm!
Së paku Rama të vendosë një arnë në flamurin e bërë shoshë të pushtetit të tij të grisur!