Video-Ekskluzive/ Ja si u dhunua gazetari i CityNews nga Policia Bashkiake e Tiranës

18 Maj 2016, 16:32, Aktualitet CNA

Gazetari i citynews, Genci Pishtari, është dhunuar nga policët e Bashkisë Tiranë vetëm sepse po filmonte një moment kur ata po gjobisnin një grua, shitëse ambulante në rrugën ?Ferit Xhajko? në unazën e kryeqytetit.

Gazetari i citynews po filmonte momentin kur policët e bashkisë po i vendosnin gjobë administrative një zonje, shitëse ambulante. Kamera i ka acaruar policët e bashkisë, të cilët i janë afruar gazetarit duke tentuar ti marrin telefonin dhe ushtruar dhunë ndaj tij. Në video dëgjohet qartë që gazetari G.Pishtari i është prezantuar që në fillim si gazetar, por kjo nuk i ka ndaluar policët, të cilët të frikësuar kanë dhunuar dhe ushtruar presion ndaj tij.

Për herë të dytë, G.Pishtari i ka theksuar se është gazetar, por ka marrë një përgjigje jo të denjë nga njëri prej policive bashkiakë, i cili e kthen konfliktin në cështje personale dhe ushtron presion ndaj tij.

Polici i Bashkisë: Ca po bën?

Gazetari: Video

Polici i Bashkisë: Video mu ?

Gazetari: I bëj video kujt të dua

Polici i Bashkisë: Mua??

Gazetari: Ore zotëri, jam gazetar

Polici i Bashkisë: Me qen edhe Xhorxh Bush. Po e kthen personale

Gazetari i thotë atyre se edhe një qytetar i thjeshtë ka të drejtë të filmojë, por kjo ka hasur në kundërshtimin e policëve të bashkisë.

Ky akt i turpshëm i policisë bashkiake të Tiranës, duke ushtruar dhunë dhe presion ndaj gazetarit në detyrë tregon nivelin e administratës të Bashkisë Tiranë. Dhuna e policëve të bashkisë është e patolerueshme. Pse kanë frikë ata nga një video kur pretendojnë se janë në zbatim të ligjit? Pse i tremben kamerave që raportojnë ngjarjen? Citynews dënon ashpërsisht dhunën ndaj gazetarit G.Pishtari nga Policia Bashkiake. Këto akte të turpshme, tregojnë cdo ditë e më shumë se taksat e qytetarëve shqiptarë ?vidhen? për të ushtruar dhunë ndaj tyre. Pasi e dhunuan gazetarin, policët e bashkisë kanë njoftuar policinë e rendit, të cilët e kanë shoqëruar atë në komisariatin nr.4. Duhet theksuar se nga ana e Policisë së Shtetit ka pasur një sjellje korrekte ndaj gazetarit dhe për këtë veprim duhen falenderuar.

Pak më vonë, citynews do të sjellë videon kur policët e Bashkisë tentojnë të ?rrëmbejnë? gazetarin në makinën e policisë bashkiake, gjë e cila është jashtë kompetencave të tyre./citynews