web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria 1 euro/ Pse Erion Veliaj bllokon privatin ?

14 Maj 2016, 14:13, Aktualitet CNA

Kryeministri Edi Rama dhe kryebashkiaku i Tiranës Erion Veliaj po bllokojnë pallatin tek kopshti zoologjik, edhe pse investitorët po ndërtojnë në pronë private dhe janë pajisur me të gjitha lejet përkatëse.

Bashkia e Tiranës, dhe e gjithë administrata e saj u detyrua të dilte në protestë për të ushtruar presion ndaj Gjykatës së Apelit Administrativ në mënyrë që të mos lejonte ndërtimin e pallatit, ku do të investoheshin dhjetra milionë euro që do sillnin zhvillimin e qytetit.

Nga ana tjetër, për  cdo investitor të huaj, Shqipëria dhe prona publike shitet për 1 euro. Për investitorët shqiptarë, sic është rasti në fjalë, të cilët kanë rënë në dakord për të ndërtuar në pronë private, përveçse duhet të paguajnë një ?mal? me taksa, bllokohen pa të drejtë nga Bashkia e Tiranës, për kapriçot e Erion Velisë.

Ndërtimi i pallatit nuk e rrezikon digën e Liqenit. Kjo sepse ka një leje nga Komiteti i Digave dhe investimi përforcon digën.

Kryebashkiaku Veliaj me bllokimin e ndërtimit nuk po lejon zhvillimin urban të Tiranës por edhe atë ekonomik. Nga ky ndërtim, Bashkia e Tiranës do mund të përfitonte qindra milionë lekë taksa, të cilat do përdoreshin më tej për zhvillimin e qytetit.

Në rast se Veliaj është kundër ndërtimit të këtij pallati, mund të anullojë lejen e ndërtimit, por kjo do të sillte një katastrofë për buxhetin e bashkisë. Firma ndërtuese është e pajisur me të gjithë lejet dhe dokumentacionin e nevojshëm dhe në rast anullimi çështja do të dërgohej në Strazburg dhe Bashkia e Tiranës do detyrohej të paguante 10 fishin e investimit si dëmshpërblim ndaj firmës. Këtë fakt, Veliaj e ka të qartë dhe kjo është një nga arsyet se pse ai ushtron presion ndaj gjyqësorit.

Dëmshpërblimi i pronës

Një tjetër mënyrë për ti dhënë fund kësaj ?lufte? është dëmshpërblimi i pronës. Nëse vërtet Veliaj e cilëson ndërtimin pranë kopshti zoologjik si të pavend për shkak të rrezikut të digës, ekziston mundësia e dëmshpërblimit të pronarëve. Në një vend kapitalist dëmshpërblimi i pronarëve është thelbi i saj. Ashtu sic bëri me banesat tek zona e ?Trenit?, ku për hir të Bulevardit të Ri, pronarët u dëmshpërblyen (edhe pse jo në vlerën e banesës), të njëjtën gjë mund të bëjë edhe me pallatin tek Kopshti Zoologjik.

Në fakt, Veliaj nuk ka artikuluar asnjë nga këto mënyra zgjidhjeje të sipërpërmendura, por ka ushtruar presion ndaj Gjykatës së Apelit Administrativ. Kjo ngre dyshime të forta se kryebashkiaku po e përdorë këtë kauzë, së pari për të ulur pakënaqësinë e qytetarëve për betonizimin e liqenit dhe së dyti, për interesa krejtësisht klienteliste dhe personale të bizneseve afër tij./citynews





Lajmet e fundit nga