Ana më e errët e skandalit me pajisjen e përgjimeve, ajo Soros-Renzi

14 Maj 2016, 13:25, Aktualitet CNA

*Nga Kastriot MYFTARAJ

Si shpjegohet që Ministria e Punëve të Brendshme dhe Policia e Shtetit, të cilat nuk lenë rast pa bërë një ceremoni për t? i thënë popullit se po vijnë ndihma të huaja, nuk bëri një ceremoni me rastin e ardhjes në Shqipëri të pajisjes përgjuese për trainim? Kuptohet se kjo pajisje nuk është një gjë aq e pafajshme sa thotë Qeveria. Nëse pajisja është futur vërtet me qëllim trainimi, siç thuhet sot, atëherë përse nuk u deklarua në vendkalimin kufitar përkatës, pra të hynte në mënyrë ligjore?

Futja e pajisjes përgjuese në Shqipëri dhe aktivizimi i saj, është një skandal ndërkombëtar. Sepse skandali nuk nis në Tiranë, por në Romë. Sepse pajisja ka ardhur me anë të një agjencie zyrtare italiane që asiston Policinë Shqiptare, dhe që është ?Interforce?. Por problemi është se Interforce ka përdorur pikërisht statusin e saj ligjor, që i mundëson kalim të privilegjuar nëpër dogana, për ta futur pajisjen në Shqipërinë, në mënyrë të kundërligjshme, në bashkëpunim me Policinë e Shtetit, pra me Qeverinë Shqiptare. Sepse pajisja do të funksiononte jashtë kontrollit institucional, të përcaktuar me ligj në një rast të tillë. Kuptohet se pajisja do të përdorej për qëllime jashtëinstitucionale, për qëllime të luftës politike në vend, në interes të Edi Ramës, për të përgjuar opozitën dhe aleatin-armik, Ilir Metën dhe LSI. Rezultatet e përgjimit më pas do të kanalizoheshin institucionalisht, nëpërmjet medias, si produkte të gazetarisë investiguese, që pastaj Policia e Shtetit t? ia referonte Prokurorisë produktin e vet, ose që Prokuroria të detyrohej të niste çështje penale mbi bazën e përgjimeve të publikuar në media.

Përse duhej që Kryeministri italian Renzi, pa urdhërin e të cilit nuk mund të bëhej kjo gjë, të ngatërrohej në këtë histori? Sigurisht që e gjithë kjo ka ndodhur sepse Kryeministri i majtë italian Renzi ka dashur t? i bëjë një kortezi Sorosit, mbrojtësit të Edi Ramës, jo këtij të fundit. Sjellja në Shqipëri nga ana e një agjencie qeveritare italiane e një pajisjeje përgjuese me qëllim që të përdoret nga një grupim politik, është një gjë po aq e rëndë sa famëkeqja ?Trattativa Stato- Mafia?, e viteve 1992-93, tashmë e vërtetuar dhe e pranuar zyrtarisht në Itali.

E vërteta e kësaj historie nuk mund të zbulohet nëse Prokuroria Italiane nuk kryen hetime në Itali paralel me ato të Prokurorisë Shqiptare në Shqipëri. Në një krahasim global, skandali është versioni shqiptar i ?Ëatergate?, që ishte gjithashtu një histori përgjimesh të paligjshme. Domethënë duhet të ishte një temë për ambasadorin amerikan./*Shkruar per citynews.al