web counter
LEXO PA REKLAMA!

SHKARKO APP

App Store
Google Play

Ruçi-opozitës: Keni qëllim bllokimin e negociatave

12 Maj 2016, 10:04, Aktualitet CNA

Kreu i grupit parlamentar socialist, Gramoz Ruçi, tha gjatë fjalës së tij në parlament, se opozita ka për qëllim mos hapjen e negociatave me BE-në.

Duke iu drejtuar deputetëve të opozitës, të cilët akuzuan qeverinë se ka dështuar dhe se është e lidhur me krimin dhe korrupsionin, Ruci kujtoi se mazhoranca është e vetëdijshme për vazhdimësinë e punës për të ndërtuar shtetin.  Ai tha se nëse parlamenti është serioz dhe flet për shtetin, dekriminalizimin, luftën kundër korrupsionit duhet të miratohet reforma në drejtësi.

?Ju s?jeni dakord me shtetin, me ligjin, me moskapjen e drejtësisë, me luftën kundër korrupsionit, luftën kundër krimit se e dini që të ndëshkuarit e parë do të jeni pikërisht ju. Keni qëllim mos hapjen e negociatave. Sot dorëzuat një amendim, javën e parë një tjetër, javën tjetër do bini diçka tjetër, ne këtë e dimë, e megjithatë ne jemi po kaq të vetëdijshëm që do vazhdojmë për të ndërtuar shtetin, reformat që kemi bërë dhe këtë kryereformë që e presin 97% e shqiptarëve. Nuk e bëjmë për partnerët tanë ndërkombëtarë, por për vete. Nëse do jemi serioz me veten, kur flasim për shtetin, dekriminalizimin, luftën kundër korrupsionit nuk duhet të hedhë mjegullnajë dhe tullumbace këtu në parlament por ta kapim demin për briri, duke bërë reformën në drejtësi.?- deklaroi Ruçi.

 





Lajmet e fundit nga