web counter
LEXO PA REKLAMA!

SHKARKO APP

App Store
Google Play

E fundit!

x

Spartak Ngjela- Ramës: Fute reformën në Parlament, votat i ka Amerika

12 Maj 2016, 07:08, Aktualitet CNA

Avokati Spartak Ngjela i bën thirrje kryeministrit të vendit, Edi Ramës, të fusë për miratim në Parlament Reformën në Drejtësi. Sipas Ngjelës, Rama nuk duhet të shqetësohet për votat pasi është Amerika ajo që i ka votat për ta miratuar.

Përmes një postimi në rrjetet sociale, Ngjela shkruan duke ironizuar se ish-kryeministri Sali Berisha, shkrehu fishekun e vetëm që kishte por arriti të trembte vetëm tre harabelë dhe dy laraska.

Postimi i Spartak Ngjelës

Sali Berisha i shpall dje luftë Shteteve të Bashkuara me një fishek.
Si gjithmone: i turbillt, i trembur…dhe me ethe për të shtyrë votimin.
Kot e ka.
Rama…ti je Kryeministër. Ç’janë këta komisione fantazmë? Ushtarët e Saliut do presësh ti që të futesh Shqipërinë në Perëndim? Fute reformen në Parlament! Kjo është detyrë historike…se votat aty për të miratuar Reformën i ka Amerika… 97 përqind e shqiptarëve janë tërësisht me Amerikën…aq janë edhe në Parlamentin shqiptar.
Zoti Kryeminister! … USA i ka votat kudo, se është qendra e këtij qytetërimi. Ajo i ka votat në Organizatën e Kombeve të Bashkuara; dhe nuk i paska në Parlamentin shqiptar. (!) Shqiptarët janë sot të gjithë nën trysninë e një ankthi historik për të hyrë në Perëndim, dhe e dinë se vetë amerika, në 100 vjet, i ka shpëtuar shqiptarët tri herë nga fundosja.
Saliu sot e shkrehu fishekun e vetëm që kishte. Pas shkrehjes u trembën tre harabelë dhe dy laraska…
Shqipëria po hyn në një kohë të re. Në Parlamentin shqiptar, që shqiptarët të hyjnë në Perëndim, brenda 40 ditëve do të vendoset dekretimi për shkallmimin e murreve të mbetur orientalë në Shqipëri. 500 vjet kanë qenë shumë, por dyzet ditë janë ankthi për t’u futur në rrjedhen e progresit perëndimor… Në fakt gjithçka është e kryer. Fisheku i vetem i Saliut trembi dje tre harabelë dhe dy laraska…





Lajmet e fundit nga