web counter
LEXO PA REKLAMA!

SHKARKO APP

App Store
Google Play

Dekriminalizimi / KQZ: 53 këshilltarë s’kanë dorëzuar formuarlin, nis verifikimi për Elvis Rroshin

12 Maj 2016, 08:38, Aktualitet CNA

Në një deklaratë për mediat, zëdhënësja e Komisionit Qendror të Zgjedhjeve, Drilona Hoxhaj ka bërë të ditur se 53 këshilltarë bashkiakë ende nuk kanë bërë vetëdeklarimin brenda afatit ligjor. Drilona Hoxhaj bëri të ditur se emrat e tyre do i përcillen KQZ për propozim për heqje mandati. Ndërkohë KQZ ka nisur verifikimin e të dhënave të formularit të vetëdeklarimit të kyrebashkiakut Elvis Rroshi.

Drilona Hoxhaj: KQZ ka nisur procedurat për verifikimin e të dhënave për të gjithë subjektet vetëdeklaruese pranë zyrave të gjëndjes civile dhe gjyqësore sikundër e kërkon ligji.

Prokurori i përgjithshëm me shkresë të datës 10 maj 2016 i ka kërkuar KQZ  që kjo e fundit të kryejë verfikimin e të dhënave të deklaruara në formularin e vetëdeklarimit të kryetarit të bashkisë së Kavajës Elvis Rroshi sepse ka rezultuar që nga të dhënat e paraqitura nga formulari nga subjekti deklaruar ka paqartësi dhe mungesë informacioni

Struktura e posaçme tashmë në zbatim të ligjit për dekriminalizimin ka nisur verifikimin e të dhënave në formularët e vetëdeklarimit ku përfshihet dhe verifikimi i të dhënave në formularin e zotit Elvis Rroshi.

Cdo rezultat i verifikimit nga struktura e posaçme do i relatohet KQZ e cila ka kompetencën e vendimmarrjes në zbatim të dispozitave të ligjit për dekriminalizimin./ Citynews





Lajmet e fundit nga