web counter
LEXO PA REKLAMA!

SHKARKO APP

App Store
Google Play

E fundit!

x

Monitorimi i zgjedhjeve në PS/ Ndahen detyrat e reja, Rama zëvendëson Kokëdhimën

12 Maj 2016, 07:32, Aktualitet CNA

Në mbledhjen e djeshme, Partia Socialiste ka përcaktuar deputet që do të monitorojnë procesin e zgjedhjes së kryetarëve të rinj në rrethe dhe ajo që ka rënë më shumë në sy ka qenë zëvendësimi i Koço Kokëdhimës me Mimi Kodhelin në qytetin e Vlorës.  Që pas zgjedhjeve të 2013-ës, Kokëdhima ka drejtuar çdo proces në Vlorë dhe në pjesën më të madhe të jugut të vendit, por do të zëvendësohet tashmë nga Kodheli. Në rrethin e Tiranës si i deleguar është zgjedhur kryebashkiaku Erion Veliaj, ndërsa për qytetin Pandeli Majko.

Ilir Beqaj do të ndjekë procesin në Kukës, Damian Gjiknuri në Dibër dhe Bledi Çuci në Gjirokastër. Pjesa tjetër janë kryesisht deputetë të zonës dhe kryebashkiak të qyteteve. Konkretisht ndarja është e tillë: Ditmir Bushati- Shkodër, Damian Gjiknuri- Dibër, Lindita Nikolla- Lezhë, Vangjush Dako- Durrës, Taulant Balla- Elbasan, Erjon Braçe- Lushnje, Arben Ahmetaj- Berat, Armando Subashi- Fier, Niko Peleshi- Korçë, Mimi Kodheli- Vlorë. Në përfundim të mbledhjes së PS, deputeti Alfred Peza ka folur për mediat para selisë rozë duke dhënë detaje në lidhje me mënyrën se si do të zhvillohet procesi. Alfred Peza ka theksuar se në mbledhjen e djeshme është bërë edhe një ndarje e detyrave për sekretarët e rinj të zgjedhur pak ditë më parë.

?U bë ndarja përfundimtare e detyrave të sekretarëve. Bëmë një analizë të punës së bërë. Folëm për zgjedhjen e 61 kryetarëve të rinj në vend. Kryesia do të mblidhet sërish më 16 maj?, ka thënë deputeti Peza pas përfundimit të mbledhjes së PS-së.

Sekretari organizativ theksoi se zgjedhja e 61 drejtuesve të rinj në rrethe është një proces shumë i rëndësishëm dhe për këtë arsye meriton vëmendjen maksimale, pasi këta persona do të kenë një detyrë shumë të rëndësishme në zgjedhjet e ardhshme. ?Për ta mbyllur procesin kryesia do të mblidhet përsëri në datën 16. Nga ana tjetër u bë edhe një analizë në lidhje me gjithë punën, veprimtarinë dhe aktivitetet që PS do të zhvillojë në kuadër të festimit të 25-vjetorit të themelimit të saj, për të kulmuar e gjithë kjo në datën 12 qershor, që është edhe dita e themelimit të partisë?, deklaroi ai.





Lajmet e fundit nga