web counter
LEXO PA REKLAMA!

SHKARKO APP

App Store
Google Play

Kapshticë/ Kalim të paligjshëm kufiri, dy të arrestuar

12 Maj 2016, 08:46, Aktualitet CNA

Specialistët e Hetimit, në Drejtorinë Vendore të Kufirit dhe Migracionit Korçë, kanë bërë të mundur arrestimin në flagrancë të dy personave, pasi në bashkëpunim mes tyre, kaluan kufirin shtetëror në mënyrë të paligjshme. Gjithashtu policia ka sekuestruar edhe një armë zjarri të cilën ata e zotëronin pa leje, si edhe mallra të tjera të cilat po i kalonin kontrabandë në vendin tonë. Të ndaluarit janë shtetasit Dhurim Doksani, 31 vjeç dhe Klodjan Kurti 26 vjeç, të dy banues në fshatin Klos- Burrel.

Arrestimi i tyre u bë pasi, të dy këta shtetas u kapën në flagrancë nga shërbimet e patrullës së Kufirit, në afërsi të Piramidës nr 28, mbi Pikën e Kalimit Kufitar të Kapshticës, duke kaluar kufirin nga jashtë-brenda territorit tonë, në mënyrë të paligjshme. Gjatë kontrollit të bagazheve të tyre, në brendësi të valixhes që zotëronin, midis sendeve të tjera personale, iu gjetën e sekuestruan në cilësinë e provës materiale : Një armë gjahu e çmontuar, tre fishekë, si edhe disa pajisje të ndryshme të cilat këta shtetas, po i futnin kontrabandë në vendin tonë. Materialet për hetime të mëtejshme i kaluan Prokurorisë të Rrethit Gjyqësor Korçë për veprat penale: ?Kontrabanda me mallra të tjera?; ?Prodhimi dhe mbajtja pa leje e armëve të gjuetisë dhe sportive?; ?Kalimi i paligjshëm i kufirit shtetëror? të kryera në bashkëpunim, parashikuar nga nenet 174, 280, 297 e 25 të Kodit Penal./ Citynews





Lajmet e fundit nga