web counter
LEXO PA REKLAMA!

SHKARKO APP

App Store
Google Play

E fundit!

x

Paloka: Ai që vjedh me vetëdije paratë e shqiptarëve të mos ketë të drejtë të rikthehet në Parlament

12 Maj 2016, 09:36, Aktualitet CNA

Në nisje të seancës së sotme plenare të Kuvendit të Shqipërisë, fjalën e mori Edi Paloka. Paloka bëri të ditur se PD ka sjellë në Kuvend një amandament me anë të të cilit ndalohet që atyre që Gjykata Kushtetuese u ka hequr mandatin të mos rikandidojnë.

Paloka u shpreh se vendimi i Gjykatës Kushtetuese është mirëpritur nga të gjithë, me përjashtim të Edi Ramës. ?Ai që vjedh me vetëdije paratë e shqiptarëve të mos ketë të drejtë të rikthehet në Parlament.?-theksoi Paloka.

Paloka: Edi Rama që në fillim e dinte që Kokëdhima ka shkelur Kushtetutën, por bëri përpjekje për të penguar drejtësinë.Rama urdhëroi grupin e tij të votonte kundër gjykimit të Kokëdhimës. U bë presion ndaj Gjykatës, zgjatje e zbardhjes se vendimit dhe cdo formë presioni për të penguar që Kokëdhima të largohet nga Parlamenti.

Per fat të keq ky është shteti i Edi Ramës. Ky është shteti që ne dhe qytetarët i jemi ngritur kundër. Nuk e dimë kush është më kriminel, trafikantët ordinerë apo ata që shkelin Kushtetutën. Ne sot kemi depozituar një amndament kushtetues, ku kërkojme që jo vetem kriminelet ordinere që sot janë futur në listën e rilindjes, por edhe këta që kryejnë krime kushtetuese të mos kenë të drejtë të rizgjidhen në institucionet shtetërore. Gjykata ja hoqi mandatin Beqes sepse kishte shkelur kushtetutën, sepse abuzoi me fondet publike, dhe Rama e mori e riktheu duke e bërë minister. Ky është koncepti i tij për drejtësinë, futet në burg një qytetarë që nuk ka paguar 3 mije lek drita, dhe kërcënon gjyktën të mos dënojë oligarkët si Kokëdhima.  Shqiptarët shohin dhe dëgjojnë, po shihet qartë se kush po e varrit miratimin e reformës në drejtësi. Ministrat kanë frikë nga kjo reformë. / Citynews





Lajmet e fundit nga