Nga Kastriot MYFTARAJ/ Koha e pakos amerikane për Reformën në Drejtësi ishte në 1991, sot është koha e Gijotinës

7 Maj 2016, 19:59, Aktualitet CNA

Nëse amerikanët do të kishin qenë të sinqertë, atëherë Pakon e sotme të Reformës në Drejtësi do të na e kishin ofruar që në vitin 1991, si dhuratë ardhjeje. SHBA, nga përvoja në vendet e Amerikës Latine e parashikonte me saktësi se çfarë probleme do të haste Shqipëria me Drejtësinë në të ardhmen. Madje unë kam dyshime të forta dhe të argumentueshme se, edhe atëherë, kjo Pako e Reformës në Drejtësi nuk do të kishte bërë efektin e kërkuar.
Shqipëria nuk ka kohë që të eksperimentojë edhe 25 vite të tjerë me pakon amerikane të Reformës në Drejtësi. Sepse pastaj do të ketë kaluar përfundimisht koha kur e keqja mund të zhduket me anë të Gijotinës. Sepse e keqja do të jetë bërë më e fortë se shoqëria shqiptare. E keqja në fakt që tani është stabilizuar në shoqërinë shqiptare në trajtën e klasave shoqërore sunduese. Klasa politike (tërësia e politikanëve), klasa administrative (punonjësit e administratës publike deri në një nivel të caktuar), klasa magjistrale (kjo e fundit e quajtur abuzivisht me eufemizmin ?Drejtësia?) dhe ajo që mund të quhet si klasa e krimit të organizuar, janë shndërruar pothuajse në tërësinë e tyre, në agjentë bartës të së keqes në shoqëri.
Në Shqipërinë e sotme bartësit e së keqes së përmendur më lart, tashmë kanë arritur statusin shoqëror të aristokracisë në Francën e vitit 1789. Në Shqipërinë e sotme, ashtu si në Francën e kohës së Revolucionit, Kjo e keqe nuk mund të çrrënjoset më me metodat proceduriale në fuqi, të cilat janë kthyer në bazën e sistemit imunitar të saj. Në momente të caktuara edhe shoqëri të iluminuara, demokratike, humaniste, të bazuara në kultin e arsyes, si Franca e kohës së Revolucionit, kalojnë nga ndëshkimi individual, në ndëshkimin kolektiv, klasor, duke përcaktuar klasat shoqërore të së keqes. Në praktikë e përcaktojnë të keqen shoqërore me përqindje. Pra, 1-2% e njerëzve të vendit i përkasin klasave shoqërore të këqija që përbëjnë rrezik ekzistencial për shoqërinë dhe shtetin. Shqipëria ka arritur në këtë fazë sot por është e vështirë të pranohet kjo gjë. Sepse ata që duhet ta pranojnë iu përkasin klasave shoqërore që përbëjnë rrezik për shoqërinë.
Prandaj sot pakoja e Reformës në Drejtësi është një kurë krejtësisht e pavlefshme. E keqja është zhvilluar aq shumë saqë sot është e nevojshme kura e Gijotinës, mekanizmit të prerjes së kokave, në kuptimin më të plotë fizik të fjalës.
Revolucioni Francez i shekullit XVIII, lëvizja më e iluminuar në historinë e njerëzimit, nga ku e kanë origjinën të gjitha institucionet bashkëkohore, që nga shteti ligjor modern, demokracia moderne, shoqëria civile, mendimi filozofik i sotëm, ngriti në mes të Parisit gijotinën, makinën për prerjen e kokave, për të ndëshkuar, ndër të tjerë ata të cilët kishin shpërdoruar pushtetin në dëm të interesave publike. Koka nuk pret vetëm ISIS. Kokëprerja është përdorur edhe për kauzën më sublime të qytetërimit modern, atëherë kur nuk kishte zgjidhje tjetër shpëtimtare.
Tashmë Shqipëria ka nevojë për një revolucion të përgjakshëm shoqëror jo për reforma. Shqipëria ka nevojë sot për revolucionin shoqëror të cilin nuk e ka bërë kurrë në historinë e saj, ku janë emërtuar si revolucione lëvizje shoqërore të dyshimta.
Kush do ta bëjë këtë Revolucion në Shqipëri? Kuptohet ajo forcë shoqërore që i bën revolucionet e këtij lloji, një pakicë aktive. A është e mundur të ndodhë kjo gjë, madje me sukses? Lëvizje të tilla kanë tre sekrete, që përbëjnë ligje të lëvizjes revolucionare të suksesshme:
1)Pakica aktive thekson legjitimitetin e saj moral për të kryer përmbysjen shoqërorë, duke u paraqitur si përfaqësuese e sovranitetit të popullit, i cili dëshiron çrrënjosjen e së keqes. Revolucioni është një ekip kirurgësh që me gjak e çliron popullin e shtrirë në tryezën e operacionit nga e keqja e cila ka marrë nën sundimin e saj shoqërinë.
2)Historia e revolucioneve ka treguar se nëse pakica aktive e legjitimuar tregohet e vendosur, shumë e dhunshme që në momentet e para të lëvizjes, atëherë lëvizja fiton Momentumin (ngritjen) e saj, në mënyrë që ngjan si magjike. Një nga arritjet më të rëndësishme paraprake është të thyhet vullneti për të rezistuar i forcave policore dhe ushtarake që me apo pa vullnet janë shndërruar në mbrojtëse sundimit të së keqes në shoqëri.
3)Pakica aktive tërheq në bashkëpunimin individë dhe grupe të klasave të vëna në shënjestër për t? u goditur, individë dhe grupe që mëtojnë se janë më së paku fajtorë, ose kanë qenë të detyruar të zbatojnë urdhërat. Këtyre iu kërkohet që si mënyrë bindëse shfajësimi t? i ndëshkojnë drejtpërdrejt fajtorët e vërtetë.