web counter
LEXO PA REKLAMA!

SHKARKO APP

App Store
Google Play

Blushi në Lezhë/ Rilindasit që po e dëmtojnë Shqipërinë ngrihen në piedestal

7 Maj 2016, 18:52, Aktualitet CNA

Deputeti Ben Blushi ka deklaruar se shumë njerëz që po e dëmtojnë Shqipërinë nderohen e vlerësohen. Në një prezantin të librit të tij “Kandidati” në Lezhë, Blushi tha se këta persona quhen rilindas. Në fjalën e tij, deputeti rebel shtoi se letërsia mund t’i japë  pak mundësi brezave të rinj të kuptojnë çfarë vlen e çfarë jo, si dhe t?i ndihmojnë të kenë një set parimesh të cilat nuk ndryshojnë pavarësisht nga regjimet që kemi.

“Ky libër është për Shqipërinë e ditëve tona. Libri ?Kandidati? përshkruan një situatë që e jetojmë përditë.  Në 50 vjet u mësuam që mjafton të ishe komunist apo të ishe me regjimin ishe shumë i mirë pavarësisht çfarë kishe bërë, çfarë bëje, sa mediokër mund të ishe, pavarësisht çfarë vlerash morale mund të kishe, vlerësoheshe. U kthyem mbrapsht. Mjafton të kesh qenë antikomunist, apo në dukje dhe ishe hero. Në një qytet të Shqipërisë që e përshkruan në libër ky njeri vlerësohet si nder i qytetit, çka është e pamundur. Kjo tregon sesa poshtë ka rënë morali jonë këto 25 vjet, çka nuk ndodh askund. Mund të kesh gjeni, nobelist, por nëse vendos të bashkëpunosh me pushtuesin je kolaboracionist dhe Europa këtë ka ndarë. Në Shqipëri sa më shumë i dëmton interesat kombëtare, aq më lart ngrihesh në  piedestal. Kjo është e vërtetë në sensin historik por dhe në ditët tona. Shumë njerëz që po e dëmtojnë Shqipërinë nderohen, vlerësohen, quhen rilindas, patriotë, njerëz të vlefshëm. Shpresoj që letërsia -pasi politika e ka të pamundur ? e cila ka lindur të purifikojë mendimin njerëzor ti japin pak mundësi brezave të rinj të kuptojnë çfarë vlen e çfarë jo, si dhe t?i ndihmojnë të kenë një set parimesh të cilat nuk ndryshojnë pavarësisht nga regjimet që kemi. Parimet deformohen nga regjimet, por parimet në fund të fundit mbeten dhe historia njerëzore ka treguar se parimet mbeten ndërsa qeveritë ndryshojnë. ” tha Blushi.

Pas prezantimit të librit kandidati të Ben Blushit në Lezhë, takimi vijoi në formën e bashkëbisedimit mbi situaten ku ndodhet vendi.





Lajmet e fundit nga