web counter
LEXO PA REKLAMA!

SHKARKO APP

App Store
Google Play

E fundit!

x

VIDEO-Humbasin në Malin e Çikës/ Shpëtohen 2 turistët italianë nga Policia e Vlorës

2 Maj 2016, 16:34, Kronika CNA

Dy turistë italianë janë shpëtuar ditën e sotme nga policia e Vlorës. Burime nga policia lokale bëjnë me dije se shtetasit italianë, teksa ndodheshin në një mal të Himarës për piknik, ata kanë humbur rrugën e orientimit për t’u kthyer.

Menjëherë, Shërbimet e Policisë së Vlorës janë organizuar për t’iu ardhur në ndihmë këtyre 2 turistëve:

1-  L. R, 26 vjeç, banues në Ankona – Itali.

2-  P. C., 31 vjeç, banues në Trevizio – Itali.

Mësohet se këta dy shtetas, janë nisur për piknik më datë 30.04.2016, në drejtim të Malit të Çikës – Himarë dhe ditën e djeshme kishin planifikuar të zbrisnin në fshatin Dhërmi, por në zbritje të malit ata kanë hasur  në një terren të vështirë, duke ngatërruar rrugën e kthimit dhe për këtë qëllim kanë kërkuar ndihmën e Policisë.

Për gjetjen e tyre janë angazhuar shërbimet e Policisë së Vlorës, shërbime të “Delta Forcë”, “Guarda di Finanza”, të cilët kanë bashkëpunuar duke kërkuar përgjatë natës së kaluar, në kushte të vështira mes errësirës dhe reshjeve të shiut dhe mungesës së kontaktit telefonik me këta 2 shtetas pasi i’u ishin fikur telefonat, derisa ditën e sotme kanë bërë të mundur gjetjen e tyre në mal, ku kishin rrëshkitur për shkak të lagështirës në një shpellë rreth 70 m e thellë, dhe janë nxjerrë prej andej  me ndihmën e litarëve, materiale me të cilat ishin pajisur këto shërbime për shpëtimin e tyre.

Bëhet me dije se turistët sapo kanë mbërritur në pikën më të afërt në Himarë, përpos shërbimeve të tjera po i priste edhe shërbimi mjeksor me autoambulancë, të cilët kanë vizituar 2 turistët. Ekipi mjeksor ka konstatuar  se dy turistet ishin në gjendje të mirë shëndetësore dhe nuk  kanë patur nevojë per trajtim mjekësor. Turistët janë trasportuar në drejtim të Vlorës me një automjet të Konsullatës Italiane.

VIDEO





Lajmet e fundit nga