web counter
LEXO PA REKLAMA!

SHKARKO APP

App Store
Google Play

E fundit!

x

Procesverbale fiktive për ndërprerjen e energjisë/ Procedohen 2 punonjës të OSHEE në Dibër

20 Prill 2016, 08:09, Kronika CNA

Në Dibër janë proceduar penalisht në gjendje të lirë 5 shtetas nga të cilët dy janë punonjës të OSHEE-së,  për veprën penale ?Shpërdorim detyre?. Konkretisht, u proceduan penalisht shtetasit me inicialet S.D, 51 vjeç,  banues në fshatin Katund i Ri, Dibër dhe H.S, 60 vjeç, banues në fshatin Homesh Dibër. Procedimi penal ndaj tyre filloi pasi duke qenë me  detyrën e punonjësve të OSHEE-së Dibër, kanë mbajtur një procesverbal fiktiv për ndërprerjen e energjisë elektrike. Shtetasit me inicialet H.M është debitor, ndërkohë që nuk ia kanë ndërprerë energjinë elektrike. Një shtetas u procedua për veprën penale ? Vjedhje të energjisë elektrike?, konkretisht shtetasi me inicialet B.B, 69 vjeç, banues në fshatin Laçes, Dibër.

Procedimi ndaj tij filloi pasi  gjatë  një kontrolli të ushtruar nga punonjësit e Policisë dhe të OSHEE-së Dibër ka rezultuar se ky shtetas kishte bërë rilidhje të energjisë, të ndërprerë disa ditë më parë si debitor ndaj OSHEE-së. Një shtetas u procedua për veprën penale ?Ndërtim i paligjshëm?,  konkretisht shtetasi me inicialet: S.K, 54 vjeç, banues në  ?Lagjen e Re? Bulqizë.

Procedimi ndaj tij filloi pasi gjatë kontrollit të ushtruar në banesën e tij është konstatuar se ky shtetas kishte filluar të bënte një ndërtim të pa ligjshëm, për të cilin nuk dispononte dokumentacion përkatës. Ndërkaq, një shtetase u procedua për veprën penale ?Vetëgjyqësi?, konkretisht shtetësja me inicialet : XH. Ç,  68 vjeçe, banuese në  Lis Mat.Procedimi penal ndaj saj filloi pasi kjo shtetase ka kundërshtuar vendimin e Bashkisë Mat me Nr 91 datë 21.03.2016 për lirimin e hapësirës  publike në lagjen ??Çupaj?? Mat, e cila pretendon se e ka pronë të saj.

 





Lajmet e fundit nga