web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet “i forti” i Shkodrës që dhunoi qytetarin/ Procedohet polici që nuk reagoi

13 Prill 2016, 09:22, Kronika CNA

Policia e Shkodrës ka proceduar autorin e dyshuar të goditjes së një shtetasi pas publikimit të videos në mediat online dhe ka pezulluar nga detyra punonjësin e policisë

Policia e Shkodrës ka nisur menjëherë hetimet pas publikimit në mediat online të një videoje ku shfaqej një shtetas që godiste një person dhe punonjësi i policisë që ishte pranë vendit të ngjarjes nuk kreu detyrat funksionale.

Ngjarja ka ndodhur në datë 12 prill rreth orës 14:00, në rrugën ?Bulevardi Skënderbeg? Shkodër. Për motive të dobëta Aldo Doçaj, 35 vjeç, nga fshati Bardhaj i Shkodrës ka goditur me grusht shtetasin A. Ç. nga ky qytet.

Specialistët e Krimeve kanë shoqëruar autorin e ngjarjes dhe kanë marrë dëshminë e të lënduarit. Materialet hetimore iu referuan Prokurorisë së Rrethit Gjyqësor Shkodër për veprime të mëtejshme. Doçaj po ndiqet në gjendje të lirë.

Gjithashtu u referuan materialet në organin e akuzës edhe për punonjësin e Policisë Rrugore të Shkodrës Taf Vokrri, për veprën penale ?Mosdhënie ndihme?, neni 97 i Kodit Penal.

Ndërkohë ndaj punonjësit të policisë u mor masa e pezullimit nga detyra dhe nisja e ecurisë disiplinore, pasi është treguar i njëanshëm në kryerjen e detyrës, pa ndonjë arsye nuk i ofron ndihmë qytetarit, nuk ndërhyn kur e kërkon nevoja, duke dëmtuar imazhin e Policisë.

Policia e Shtetit fton mediat dhe qytetarët të denoncojnë çdo rast të shkeljes të ligjit apo shkeljeve nga punonjësit e policisë duke garantuar marrjen e masave të menjëhershme.





Lajmet e fundit nga