web counter
LEXO PA REKLAMA!

SHKARKO APP

App Store
Google Play

E fundit!

x

Kontrollet e Policisë së Durrësit/ Arrestohet një person

2 Prill 2016, 09:30, Kronika CNA

Drejtoria Vendore dhe Efektivat e Komisariatit të Policisë Durrës, Krujë dhe Shijak,  në bashkëpunim me Specialistët e Seksionit të Qarkullimit Rrugor, mbrëmjen e së premtes deri në orët e para të mëngjesit të së shtunës, kanë vijuar  zbatimin e planit të masave në mënyrë intensive dhe të pandërprerë.

Kanë ngritur pika kontrolli, kryesisht në akset rrugore kryesore dhe dytësore që paraqesin rrezikshmëri dhe që janë burim aksidentesh për përdoruesit e rrugës, me qëllim mbajtjen nën  kontroll të situatës kriminale, kontrollin e mjeteve dhe personave mbi posedimin e ndonjë sendi të jashtëligjshëm, të automjeteve nëse nuk kanë dokumentacionin e nevojshëm, drejtues mjeti që shkelin rregullat e qarkullimit rrugor apo nën efektin e alkoolit, në kuadër të  rritjes së sigurisë në rrugë dhe parandalimin e aksidenteve rrugore.

Gjatë 24 orëve të fundit në të gjithë Qarkun e Durrësit, është arrestuar në flagrancë një shtetas, janë  pezulluar 10 leje drejtimi për mungesë dokumentacioni dhe drejtues  mjeti që drejtojnë automjetin nën efektin e alkoolit(në përqindje mesatarisht të ulët) dhe janë vendosur 180 masa administrative.

Konkretisht, është  arrestuar në flagrancë shtetasi:

? Besnik Llani 42 vjeç, banues në Krujë, pasi:

U kap nga Shërbimet e Policisë duke drejtuar mjetin tip Benz me targaTR 0074 J, pa leje drejtimi.

Drejtoria Vendore e Policisë Durrës, do vijojë kontrollet edhe në ditët në vijim dhe kërkon bashkëpunimin e të gjithë përdoruesve të rrugës që të respektojnë me rigorozitet Kodin Penal dhe rregullat e qarkullimit rrugor, pasi nuk do të ketë asnjë tolerim dhe do të përgjigjet para ligjit çdo shkelës.





Lajmet e fundit nga