web counter
LEXO PA REKLAMA!

SHKARKO APP

App Store
Google Play

E fundit!

x

Kontrollet nga policia në Shkodër/ Arrestohen 2 persona, hiqen 36 patenta

20 Mars 2016, 08:37, Kronika CNA

Task Forca e Policisë Rrugore Tiranë, në bashkëpunim me Policinë Rrugore Shkodër,  mbështetur nga F.N.Sh Shkodër dhe Patrullat e Përgjithshme , gjatë 24 orëve të fundit ka operuar  në territorin e Policisë Vendore Shkodër.

Ndëshkim për tejkalim mbi normat e lejuara të  shpejtësisë,  ndëshkimi i  drejtuesve të mjeteve nën ndikimin e alkoolit dhe në gjendje të dehur, parakalimi i gabuar,  drejtim mjeti pa leje drejtimi, pa vendosur rripin e sigurimit, apo duke  përdorur  celularin gjatë drejtimit të mjetit e të tjera shkelje të Kodit Rrugor.

Si rezultat gjatë 24 orëve të fundit në territorin e Drejtorisë Vendore të Policisë Shkodër, janë arritur këto rezultate:

Janë arrestuar në flagrancë  shtetasit A.B.,  për drejtim mjeti nën efektin e alkoolit dhe L.A. për drejtim mjeti pa leje drejtimi.

Janë pezulluar 36 leje drejtimi, konkretisht:

30 leje  drejtimi për shpejtësi tej normave të lejuara konstatuar me Radar.

6 leje drejtimi të pezulluara për drejtim mjeti nën ndikimin e alkoolit, konstatuar me Drager.

46 drejtues mjetesh u ndëshkuan me masë plotësuese dhe u dërguan për gjykim në OASH-Shkodër.

U vendosën 25 masa administrative për  shkelje të ndryshme si mos përdorim të sistemeve të fiksimit( kryesisht  rripi i  sigurimit) dhe  përdorim të celularit gjatë drejtimit të mjetit.

Në bashkëpunim me Patrullat e Përgjithshme  dhe F.N.Sh. Shkodër u kontrolluan 5 lokale nate.

Gjithashtu dhe në Shkodër u bë pilotimi i kamerave të trupit të punonjësit të Policisë.

U këshilluan shumë  drejtues mjetesh për të shtuar  kujdesin gjatë drejtimit të mjetit.





Lajmet e fundit nga