web counter
LEXO PA REKLAMA!

SHKARKO APP

App Store
Google Play

E fundit!

x

Shkeljet e Kodit Rrugor/ Arrestim dhe gjoba në Gjirokastër

13 Mars 2016, 09:18, Kronika CNA

Task-Forca e Policisë Rrugore në bashkëpunim me Policinë Rrugore Gjirokastër, mbështetur nga Patrullat e Përgjithshme të Policisë Gjirokastër, gjatë 12 orëve të fundit ka vepruar në territorin e Policisë Vendore Gjirokastër.

Në fokus të aksionit të bluve të Gjirokastër ishin: Tejkalimi mbi normat e lejuara të shpejtësisë, ndëshkimi i drejtuesve të mjeteve nën ndikimin e alkoolit dhe në gjendje të dehur, parakalimi i gabuar, drejtim mjeti pa leje drejtimi, pa vendosur rripin e sigurimit, apo duke përdorur celularin gjatë drejtimit të mjetit e të tjera shkelje të Kodit Rrugor.

Si rezultat gjatë 12 orëve të fundit në territorin e Drejtorisë Vendore të Policisë Gjirokastër:

– U arrestua në flagrancë shtetasi Sh. B, pasi drejtonte automjetin në gjendje të dehur.

– U pezulluan 11 leje drejtimi, konkretisht:

8 leje drejtimi për shpejtësi tej normave të lejuara konstatuar me Radar.

3 leje drejtimi të pezulluara për drejtim mjeti nën ndikimin e alkoolit, konstatuar me Drager.

– 21 drejtues mjetesh u ndëshkuan me masë plotësuese dhe u dërguan për gjykim në OASH-Gjirokastër.

– U vendosën 10 masa administrative për mos përdorim të sistemeve të fiksimit( kryesisht rripi i sigurimit), si dhe për përdorim të celularit gjatë drejtimit të mjetit.

– U bllokuan 4 mjete për mungesë dokumentacioni.

Edhe në Gjirokastër u bë pilotimi i kamerave të trupit të punonjësit të Policisë.

U këshilluan shumë drejtues mjetesh për të shtuar kujdesin gjatë drejtimit të mjetit për shkak dhe të motit të keq me reshje shiu.





Lajmet e fundit nga