web counter
LEXO PA REKLAMA!

SHKARKO APP

App Store
Google Play

Monika Kryemadhi: Reforma e Drejtësisë duhet të ishte miratuar që në tetor

27 Prill 2016, 18:04, Aktualitet CNA

Deputetja e Lëvizjes Socialiste për Integrim, Monika Kryemadhi është shprehur se Reforma e Drejtësisë duhet të ishte miratuar që në tetor ose nëntor të vitit të shkuar. Në një intervistë në studion e News 24, Kryemadhi ka folur edhe për deklaratën e ish-Kryeministrit Sali Berisha për armatosjen e popullsisë për shkak të rritjes së kriminalitetit në vend. Kryemadhi tha se nuk duhen gjetur sebepe për të krijuar konflikte në parlament.

Pjesë nga intervista e Monika Kryemadhit në News24

Një koment tuajin për reformën në drejtësi

Mendoj që duhet të ishte votuar që në tetor apo nëntor.

Çfarë e pengon?

Çdo konflikt i tepërt bëhet një shkak për ta zvarritur, unë jam partizante që edhe ne deputetet gra të bëjmë detyrën tonë, të votojmë këtë reformë. Ne mbajmë përgjegjësi para elektratit tonë. Kjo reformë do zgjidhë fundin e tranzicionit të politikës shqiptare. Të mos humbasim asnjë sekondë më shumë në tranzicionin e lodhshëm, të mundimshëm që në njëfarë mënyre nuk do dëshironim t?ua linim fëmijëve tanë.

Si e komentoni deklaratën e zotit Berisha për armatosjen e popullsisë?

Nuk dua të komentoj deklaratat e të tjerëve, po ne nuk duhet të gjejmë sebepe për të krijuar konflikte në parlament. çdo sebep që gjejmë na largon vemëndjen nga pika më e rëdësishme, reforma në drejtësi.





Lajmet e fundit nga