web counter
LEXO PA REKLAMA!

SHKARKO APP

App Store
Google Play

E fundit!

x

Fevziu: Berisha ka një ftesë të hapur në emisionin Opinion

27 Prill 2016, 18:39, Aktualitet CNA

“Berisha ka një ftesë të hapur edhe në emisionin Opinion, por që ish-kryeministri ka zgjedhur me dëshirën e tij, të mos jetë pjesë e emisionit” kështu shkruhet në një lajm të portalit opinion.al, të gazetarit Blendi Fevziu. Përgjigjia ka ardhur pas një shkrimi të Lapsi.al, ku ngrihej pyetja pse Sali Berisha është zhdukur nga televizionet kryesore në vend. Sipas portalit, Berisha është super i ndjekur kur del në televizor, dhe madje edhe më i ndjekur se Champions League.

?Të martën në mbrëmje, si gjithnjë kur shfaqet në ekrane, Sali Berisha ka bërë deklarata të forta për armatosjen, për Shullazin, për Arben Frrokun etj. në emisionin Studio e hapur të Eni Vasilit. Por pavarësisht nga audienca e lartë që ai pati edhe mbrëmë pavarësisht gjysëmfinales së Ligës së Kampioneve (Berisha ka veçorinë që e shohin njësoj edhe ata që e dashurojnë edhe ata që e urrejnë), një fakt bën përshtypje: prej kohësh ish kryeministri nuk shfaqet më në emisionet kryesore të televizioneve më të mëdha në vend. Ndërsa kur ishte në krye të qeverisë ai ishte i kudondodhur në Klan, doli dy herë në Top Story, po ashtu dhe dhe në Vizion Plus, tani, që pas zgjedhjeve, ai është bërë mysafir vetëm i televizioneve lokale?, shkruan Lapsi.

Në përgjigjen e portalit të emisionit Opinion, shkruhet se Berisha është ftuar në Klan dy herë brenda dy muajve të fundit dhe e ka derën e hapur për të qenë në emisionin Opinion. ?Vetëm në dy muajt e fundit, ish-kryeministri Berisha është ftuar dy herë në TV Klan. Në emisionin ?Zonë e Lirë? me datë 4 mars 2016 dhe me datë 3 prill 2016 tek e Diela Shqiptare në finalen e ?Power Kids?. Vlen të kujtohet, se z.Berisha ka një ftesë të hapur edhe në emisionin Opinion, por që ish-kryeministri ka zgjedhur me dëshirën e tij, të mos jetë pjesë e emisionit?, shkruan faqja e Fevziut.

 





Lajmet e fundit nga