web counter
LEXO PA REKLAMA!

SHKARKO APP

App Store
Google Play

Alibeaj denoncon dhunimin e biznesmenit/ Banditët që shërbyen Ramën sundojnë Durrësin

26 Prill 2016, 09:35, Aktualitet CNA

Kreu i Departamentit të Rendit e Sigurisë, në Partinë Demokratike, Enkelejd Alibeaj denoncoi dhunimin e një biznesmeni.

Në një deklaratë për mediat, Alibeaj tha se ?Një ngjarje e rëndë ka ndodhur sot në orën 6 e 30 të mëngjesit në mes të Sukthit ku një bandë e armatosur me kallashnikov dhe me maska ka dhunuar biznesmenin Osman Pana. Sipas të dhënave paraprake mësohet se ky ishte një paralajmërim i bandës ndaj biznesmenit dhe besohet se ngjarja vjen pas gjobës që banda i ka vënë ndaj tij?.

Më tej, Alibeaj shtoi se ?Terrori i këtyre bandave në Sukth është i pranishëm prej kohësh, dhe policia e di kush janë personat, por nuk merren masat, sepse maskat e armatosura janë të lidhura me Vangjush Dakon dhe Edi Ramën. Janë të njëjtët banditë që kanë terrorizuar qytetarët në zgjedhjet e fundit lokale, që kanë dhunuar komisionerët, banditë që ishin në shërbim të Dako-Ramës. Ky është sundimi i krimit të veshur me pushtet, në Sukth dhe në gjithë vendin?.

Në fund, Alibeaj theksoi se ?Partia Demokratike i bën thirrje prokurorisë të hetojë me shpejtësi e të nxjerrë para ligjit këta banditë që dhunojnë, vendosin gjoba e terrorizojnë qytetarët. Është koha e një bashkimi të madh kundër krimit e bandave. Ne nuk mund ta lëmë vendin peng të maskave e gjobvënësve të Edi Ramës, Vangjush Dakos dhe Sajmir Tahirit?.





Lajmet e fundit nga