E fundit!

20:52 Politikë

Qëndrimet ndaj Tahir Sinanit dhe UÇK-së/ PD: Akt antishqiptar i orkestruar nga Rama

Partia Demokratike ka reaguar sot lidhur me qëndrimet e kr...

Pastrimi i Parave/ Një tjetër institucion në mbrojtje të Shullazit

24 Prill 2016, 15:20, Aktualitet CNA

Emiljano Shullazi u arrestua me urdhër të prokurorisë pas denoncimeve për gjobëvënie. Gjykata e krimeve të rënda caktoi këtë javë masën e sigurisë ?arrest me burg? për Shullazin dhe dy persona të tjerë, të dyshuar si bashkëpunëtorë.

Opozita ka denoncuar disa herë lidhjet e Emiljano Shullazit me ministrin e Brendshëm, Saimir Tahiri dhe me kryeministrin Edi Rama, por këto akuza janë hedhur poshtë menjëherë nga dy drejtuesit e qeverisë. Emiljano Shullazi u shoqërua në polici pas denoncimit të ish-kryeministrit Sali Berisha për kërcënimin e kandidatit për rektor në UT, Mynyr Koni. Pas shoqërimit, prokuroria nxori fletë-arrestin për Shullazin, jo për kërcënimin ndaj Konit, por për vepra të tjera penale. Një javë pas arrestimit të tij, ende nuk ka një informacion zyrtar se kush e prangosi Emiljano Shullazin, prokuroria apo policia.

Një institucion tjetër mjaft i rëndësishëm, i cili ka për detyrë të hetojë pastrimin e pasurive është lënë jashtë vëmendjes. Bëhet fjalë për Drejtorinë e Përgjithshme të Parandalimit të Pastrimit të Parave. Ky institucion, heton edhe personat e dyshuar që janë të përfshirë në organizata kriminale përmes të cilave përvetësojnë pasuri në vlerë monetare apo prona të paluajtshme në kundërshtim me ligjin.

Në fakt, Emiljano Shillazi, është një person i papunë dhe pa asnjë të ardhur, por pas arrestimit dolën në shesh pasuritë e tij të cilat dyshohet se janë vënë në kundërshtim me ligjin. Nga ?Pastrimi i Pasurive? nuk ka pasur asnjë hetim për pasurinë e Shullazit edhe pse për rastin në fjalë nuk duhet ndonjë hetim i thelluar për të zbuluar të vërtetën.

I vetmi që ka folur pas arrestimit të Emiljano Shullazit është Ministri i Financave Arben Ahmetaj i cili tha se do hetoheshin pasuritë e eksponentit të botës së krimit në Shqipëri.

Si mundet një person që nuk është i punësuar nuk ka biznese dhe të ardhura legale, regjistron prona dhe pasuri, nuk është hetuar asnjëherë nga institucioni përgjegjës për hetimin në këtë fushë ?

?Pastrimi i Parave? nuk e ka hetuar Shullazin në kohën kur në krye të këtij institucioni ishte Genti Gazheli, por as pasardhësi i tij, Alket Hyseni nuk e ka bërë dicka të tillë.

Gazheli, njihet si njeri i kryeministrit Edi Rama, i cili më parë merrej me financat e PS-së, tani ambasador i Shqipërisë në Turqi. Ai mund ta ketë anashkaluar së bashku me pasardhësin, Alket Hyseni hetimin ndaj Shullazit.

Mungesa e hetimit ndaj pasurisë së Emiljano Shullazit ngre hije të forta dyshimi se institucionet shtetërore kanë heshtur qëllimisht ndaj hetimit të pasurive të Shullazit. Është bërë një vesh shurdh dhe një sy qorr, nga frika apo me urdhër politik këtë duhet ta zbardhë prokuroria. Kemi një fakt kokëfortë, Drejtoria e Përgjithshme e Parandalimit të Pastrimit të Parave nuk e ka hetuar asnjëherë Shullazin./citynews