Finalja e Europa League në Shqipëri/ Faktet pse gënjen kryeministri Rama

24 Prill 2016, 13:34, Aktualitet CNA

Kryeministri Edi Rama, prezantoi të enjten projektin për stadiumin e ri kombëtar, i cili do të ketë një kapacitet prej 22 mijë vendesh.

Në fjalën e tij, Rama u shpreh i optimist se ?Arena Kombëtare? do të jetë një nga stadiumet më të bukura në Europë. Në fakt, qytetarët kanë komentuar negativisht kullën e lartë që do jetë pjesë e stadiumit, pa harruar të thumbojnë arkitektin Casamonti, i cili rezulton të jetë arrestuar në Itali për korrupsion.

Kryeministri i vendit, theksoi se në këtë stadium mund të luhet edhe një finale e Super Kupës Europiane apo Europa League.

?…ku të luajë jo vetëm Kombëtarja, por ku mundësisht të luhet edhe një finale e Super Kupës aspo e Europa Ligës dhe do t?ia dalim edhe kësaj, duke pasur këtu një stadium nga më të bukurit në Europë.?, u shpreh Rama

Citynews bëri një kërkim të thjeshtë për të treguar të vërtetën dhe jo atë që pretendon kryeministri, që në fakt rezulton të jetë një gënjeshtër. Nëse i hedhim një sy stadiumeve ku janë luajtur finalet e Europa League, rezulton se hera e fundit që një finale është luajtur në një stadium me kapacitet më të vogël se 30 mijë vënde ka qenë viti 1995, në stadiumin e Parmës ?Ennio Tardini, i cili ka një kapacitet prej 22 mijë vendesh. Megjithatë, në ato vite finalja luhej me dy takime, nga një ndeshje në fushën e secilës prej skuadrave. Vetëm në rast se nuk plotësonte kushtet skuadra që luante në shtëpi mund të zgjidhete një stadium tjetër në shtetin e saj. Sot, stadiumi ku do të luhet finalja përcaktohet përpara se të nis sezoni. Që nga ky ndryshim, finalja nuk është luajtur asnjëherë në një stadium me kapacitet më të ulët se sa 35 mijë vende.

Pra, sipas finaleve të luajtura, duket qartë se deklarata e kryeministrit Edi Rama ishte më shumë politike. Këtu flasim për Europa League sepse për Super Kupën e Europës është edhe më e vështirë. Sa për kullën në stadium, për të cilën Rama thotë se shteti nuk do të paguajë asnjë lekë, do të ishte më mirë që ajo të mos ndërtohej dhe qeveria të jepte kontributet e saj për të rritur kapacitetin e stadiumit. Më pas, kryeministri Rama do kishte të drejtë të fliste për finalet e kupave Europiane në Shqipëri

Më poshtë po rendisim finalet e 20 viteve të fundit të Europa League

Viti Ndeshja/ Rezultati Stadiumi Numri i tifozëve