web counter
LEXO PA REKLAMA!

SHKARKO APP

App Store
Google Play

Të gjitha akuzat e Ben Blushit për Rilindjen/ Mediokër dhe kanabistë

23 Prill 2016, 10:24, Aktualitet CNA

Nga lavatriçe mediokriteti në parti kanabiste dhe e mbushur me kriminelë, ishin disa nga epitetet që Ben Blushi përdori sot kundër Rilindjes qe sipas tij ka uzurpuar Partine Socialiste.

?Ka pasur një tender në PS se kush shan më shumë. I vetmi propozim ekonomik që bëri Rilindja është sesi legalizohet kanabisi. Rilindja është një parti kanabiste?-tha ai.

I pyetur për zhvillimet e fundit në dy partitë kryesore Blushi u përgjigj se ?Njëra shkon për armatosje dhe tjetra për të na dehur me kanabis, me hashash. S? mund të jem pjesë e asnjërës. Për kë të votosh, për rojet e spitalit, këta që ndriçojnë kulla. S? mund të votoj për këta mediokër që kërkojnë ta mbushin Shqipërinë me kanabis?-tha ai.

Në dalje të Asamblesë së Partisë Socialiste, e ka cilësuar Rilindjen si lavatriçe mediokriteti dhe parti kanabiste.

?Kam kërkuar që të ketë hapje të kutive, të shikohet si janë trukuar me gati 70 për qind listat. Me moshapjen e kutive është ratifikuar manupilimi?-tha Blushi.

Sipas tij, Mimoza Hafizi kërkoi që të votohej kjo rezolutë, e cila nuk u votua dhe nuk ka një shpjegim logjik. ?S?mund të isha pjesë e kësaj kryesie. Rilindja është një lavatriçe mediokriteti dhe rilindistët në 3 vjet e kanë çuar prapa Shqipërinë?shtoi ai.

Duke iu referuar Gramoz Ruçit, Blushi theksoi se ?Ai e di shumë mirë se çfarë ka ndodhur me kutitë?.

?Dua të falenderoj Arta Daden dhe Namik Doklen për tërheqjen nga kandidimi?-tha Blushi. Sipas tij, marrja e posteve pa votë është uzurpim dhe grabitje.

?Shqiptarët s?mund të jenë të heshtur. Ka akoma kriminelë në këtë asamble. Ambasada amerikane e ka thënë shpesh. U votua dekriminalizimi, a dini ndonjë që ka humbur vendin e punës??-tha ai. Në fund Blushi shtoi se s? mund të votonte për askënd.

 

 





Lajmet e fundit nga