web counter
LEXO PA REKLAMA!

SHKARKO APP

App Store
Google Play

E fundit!

x

Pse ska besim tek Lulzim Basha?

23 Prill 2016, 09:07, Aktualitet CNA

Një sondazh i realizuar nga Instituti për Demokraci dhe Ndërmjetësim (IDM) nga NDI, (Institutit Demokratik Amerikan), tregon qartazi se shqiptarët kanë filluar ta urrejnë klasën e tyre politike. Sado i manipuluar, i përdorur nga njëra apo tjetra palë, në total kishte thjesht një përgjigje. Shqiptarët në mazhorancë nuk besonin as tek qeveria dhe as tek opozita.

Humbja e besimit ndaj qeverisë është e kuptimte. Ketu kujtojmë premtimet e Ramës në fushatën e vitit 2013, por edhe reformat apo qeverisjen me dorë të fortë të Ramës. Ekonomia që vazhdon të jetë në krizë të thellë, qytetarët që varfërohen, biznese që mbyllen, papunësi që shtohet. Këto mjaftojnë si argumenta për të thenë faktet pse qeveria ka kuota të ulta. Sipas sopndazhit 59 % e shqiptarë janë të pakënaqur me punën aktuale të qeverisë.

Ajo që është shqetësuese është fakti se qytetarërt nuk kanë besim as  tek opozita. Sipas të njëjtit sondazh 69.3 % janë të pakënaqur me punën aktuale të opozitës.

Pra shpresa e tyre është vrarë përfundimisht. Klasa politike në total është zhgenjyese për njerëzit, kur nuk shihet opozita si shpresë e besueshme dhe alternativë përballë qeverisë. Sondazhi tregon se dhe opozita nuk ka mbështetje, dhe kjo është një sirenë alarmi për Lulzim Bashën. Ky në fakt është përgjegjësi kryesor pse opozita kalon këtë gjëndje, por ka ende pak kohë dhe shpresë deri në zgjedhjet e ardhshme, por kjo shpresë është e venitur në fakt.

Pse ska besim tek Lulzim Basha?

Kreu demokrat Lulzim Basha është ai që duhet të ngjallë besim tek shqiptarët. Me stilin e politikanit ?tulipan Hollandez? ai ka dështuar për të qenë shpresa e shqiptarëve. Fatkeqësisht jo për të, por për shqiptarët, situata që ndodhet opozita është prag katastrofe.

Në rast se do mungonte Sali Berisha, me denoncimet, apo betejat në parlament, PD-ja do ishte edhe më keq akoma. Një pjesë të boshtësisë e mbush vetëm aksioni i tij. Aji pjesë që beson ende tek PD ende beson vetëm tek Berisha si lider.

Lëvizjet e Bashës në teren dhe premtimet nuk po nxitin asnjë shqisë tek shqiptarët. Dhe kjo e ka një përgjigje. Basha vetë nuk po bëhët lideri që nesër do qeverisë vendin, kjo dhe për shkak të një ekipi pranë tij që nuk ekziston, thjesht vjen vërdallë.

Së pari Basha duhet të ndërhyjë për të mbyllur një ?betejë? banale brenda PD. “Të rinjtë” kundër të vjetërve. Në fakt këta që pretendojnë të parën, janë në shumicë ish-pushtetarë të PD në nivele të dyta apo të treta, që fshehin kokën si breshka dhe e nxjerin vetëm për të akuzuar. Janë po aq përgjegjës edhe më shumë sesa ata që kanë qenë në skaloinin e parë, sepse kanë qenë ata që kanë demtuar direkt mardhëniet poshtë me bazën dhe elektoratin.

Së dyti Basha nuk mund të lejojë më tej sakatimin dhe pengmarrjen e PD-së nga tre ryma klientelistë dhe krejtësisht të pabesueshmën për opozitarët dhe shqiptarët në terësi. Pollarizimi i PD, me Bozdo, Collakër, Pollo, Gjinko e CO, që janë pjesë e një grupi që themeloi PDR, me postet dhe pozicionet që mbajnë po e dëmtojnë PD-së duke dashur të rrëmbjenë mandate deputetësh nesër. Krijojnë përplasje kudo ku janë, dhe në degë të ndryshme po ngrenë në poste ish-strukturat e tyre të viteve 1999-2005.

Ryma e dytë është Çilizimi i PD-së, që udhëhiqet nga Grida Duma, Salianji, M. Spaho, Shano, Kadia e CO, është një nga grupimet që janë ?peshkaqenë? mediatikë, por në fakt vlejnë më pak se një sardele në politikë. Janë pa mbështetje në bazë. Njihen publikisht që janë vegla të një pëersoni dhe klan i dalë nga një universitet. Thjesht janë në PD sot për të pasur një këmbë në pushtet nesër, po e panë pak larg pushtetin, do ikin shpejht e shpejt.

Ryma e tretë janë ata që rinë kot, sekretarë, drejtues departamentesh që nuk bëjnë asgjë, kryetarë degësh që grindesh dhe sherrosen me  militantët, njerëz pazarxhinj dhe pritësa pushteti duke heshtur dhe mos folur për gjendjen e opozitës, kjo rymë mund të quhet Salianjizimi i PD-së, por edhe Kadillizim mund të qëndronte, simbol i paaftësisë në PD. Në fakt kjo racë krijon vetëm shfaqje klllounash dhe vetëm nxit mosbesim tek opozita.

Përgjegjës kryesor për situatën mosbesuese është vetë kreu i PD-së Lulzim Basha, që në fakt është i vetmi që mund ta ndryshojë këtë gjendje, ose ta rëndojë më tej me mos veprimin apo nxitjen e tij. Të ndalësh Pollarizimin, Çilizimin dhe Salianjizim-Kadillizimin e PD-së, është një detyrë e vështirë ndoshta, për atë që ka qenë vetë ngritësi i tyre, por është e vetmja mënyrë për të shpëtuar opozitën dhe për të ngjallur shpresën tek shqiptarwt. Betejat bajate tw rymave servile ndaj Bashws në opinion duken si sharlatanizma, dhe fatkeqësisht mbajnë peng kreun demokrat Lulzim Basha, ato thjesht sjellin humbjen e rradhës./Elvi FUNDO





Lajmet e fundit nga