E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Metamorfoza e madhe e “The Donald”

22 Prill 2016, 21:35, Kosova & Bota CNA

?You are fired!?. Viktima më e famshme është Stuart Jolly, drejtor i operacioneve të tij në terren, regjisor organizues dhe logjistik i fushatës elektorale. ?Kishim një formulë fituese?, ka shkruajtur me keqardhje në letrën e dorëheqjes, në të cilën pranon kursin e ri. Jolly ishte një njeri i klanit të Corey Levandovskit, deri dje menaxher fushate shumë me pushtet, ndikimi i të cilit zvogëlohet me kalimin e orëve. I forti i ri, i thirrur së fundmi, është Paul Manafort. Një veteran i politikës, i cili ka punuar në konventat republikane për Gerald Fordin, George Bushin e madh dhe Bob Dole. (Eshtë edhe konsulent i Vladimir Putinit). Vini re datat e lindjes. Levandovski, i rënë tashmë është 42 vjeç. Ylli në ngjitje Manafort është 67. Ky është rikthimi në skenë i zanatçinjve të vjetër të politikës. Një ndryshim jo vetëm personeli, por edhe filozofie. Pasi kishte përfituar duke bërë një fushatë ?si i jashtëm, kundër establishmentit që më urren, kundër politikanëve të korruptuar të Uashingtonit), ja tek shfaqet The Donald, me qëllimin të punësojë pikërisht atë personel. Manaforti, nga ana e tij, ka rekrutuar dy dhelpra të vjetra të ?gëmushës? republikane, Rick Uiley dhe Uilliam McGinley. Misioni: të qetësohen lobet dhe rrymat e partisë, t?u dërgohen degë ulliri në shenjë paqeje të rëndësishmëve të Senatit dhe Kongresit, të ofrojnë poste në një ekzekutiv të ardhshëm të udhëhequr nga Trump.

Kanë afruar edhe Colin Pouellin, ish Sekretarin e Shtetit në kohën e George Bush. Pra, shpallja është e qartë: ?Open for Business? ? jepi të hapur të bëjmë biznes së bashku. Kryengritja mori fund, manovrat e mëdha tani shërbejnë për të pajtuar Trumpin, me ata që i kanë shpallur luftë deri më sot.

The Donald është gatuar kështu, dhe kështu ka qenë gjithmonë. Michael kruse, në një artikull për Politico Magazine dhe një reportazh i BuzzFeed kujtojnë këtë konstante të jetës së tij: Trump është një njeri për të gjitha stinët, në gjendje të ndryshojë miq, mendime, politika, imazhin personal, sipas mundësive. Pasi ka fituar më shumë se 20 zgjedhje primare, por pa garantuar ende shumicën absolute të delegatëve, problemi i tij sot është që të bëjë të pranohet, të shmangë komplotet e establishmentit, që dëshiron t?ia heqë kandidimin në konventën e Klivlendit në korrik.

Në ton dhe në stil, Metamorfoza e madhe është parë direkt mbrëmjen e të martës në Nju Jork. Pasi i vuri përfund rivalët me 60% të votave dhe pothuaj tërësinë e delegatëve, Trumpi mbajti një fjalim të shkurtër dhe të kthjellët. Ka folur për ?senatorin Ted Cruz?, në vend që ta quajë si zakonisht ?Gënjeshtari Cruz?. Shënimet e tij në Tuiter po zbuten. Prej ditësh nuk shfaqet në një shfaqje televizive, ai që bënte maratona të përditshme. Ka thënë se do të mbajë një fjalim programatik për politikën e jashtme, por do të ndjekë në teleprompter (lexuesi elektronik për të cilin qortonte Obamën), një tekst të shkruajtur nga të tjerë. Përpara Super të Martës së ardhshme në Veri-Lindje (Pensilvani, Merilend, Ishulli i Rodit, Konektikat, Delëuer) ka nxjerrë 20 milionë dollarë, ai që deri sot mbështetej tek reklamat falas, që i vinin falë ?të shtënave? të gojës së tij në televizione. Një shungullimë i shpëton gjithësesi: ?Për të blerë delegatët e konventës kam lodrat më të bukura. Do i bëj të udhëtojnë me Boeingun tim, do i dërgoj në Florida në vendpushimet e mia, në klubet e golfit dhe në saunat fantastike?. Mediat e djathta janë të magjepsura nga Metamorfoza e Madhe. Uashington Post pyet se mos është ?shumë pak dhe hsumë vonë?, për të zbrazur serbatorin e madh të armiqësisë tek elektorati. /Në shqip nga www.bota.al