Paloka: Mazhoranca u tërhoq, Suli dhe Leskaj në Kushtetuese

13 Prill 2016, 13:48, Aktualitet CNA

Kryetari i grupit Parlamentar i Partisë Demokratike, Edi Paloka, tha se është arritur hapi i parë i konsensusit midis opozitës dhe mazhorancës, pasi kjo e fundit është tërhequr në lidhje me mandatet e deputetëve Rakip Suli dhe Valentina Leskaj.

Pas përfundimit të mbledhjes së drupit parlamentar të PD-së, Paloka u shpreh se mazhoranca u tërhoq nga qëndrimi i saj falë presionit të opozitës.

?Jeni në dijeni të faktit se mazhoranca u detyrua të eci në anën Kushtetuese pasi deri dje ka qenë në kryerjen e një krimi kushtetuese duke moszbatuar vendimin e gjykatës kushtetues epër të mos cuar mandatet e deputetëve në gjykatë dhe ata janë tërhequr nga presioni i opozitës. Akti i parë është arritur, mund të konsiderohet ose jo një fitore, sepse mazhoranca është e detyruar të zbatojë vendimet e gjykatës dhe të bësh debate për këtë, është alogjike. Ky akt le të themi tashmë duket i realizuar, më në fund mazhoranca është tërhqur nga ky akt dhe ka marrë vendim të dorëzojë në gjykatë mandatet e dy deputetëve të saj?, tha Paloka.

Kreu i grupit të demokratëve akuzoi sërish shumicën, kësaj radhe për skandalin e CEZ, pasi nuk pranoi të miratonte ngritjen e një komisioni hetimor për CEZ.

?Mazhoranca detyrua të tërhiqet nga ky krim kushtetuese, por që nuk frenon krimin tjetër kushtetues, komisionin hetimor për CEZ që është afera më e madhe korruptive në Shqipëri dhe ku Rama është direkt i lidhur një çështje korruptive që e nxjerr direkt para publikut Edi Ramën. Jemi prapë para një krimi kushtetues, mazhoranca e merr vendimin nesër në parlament pasi nuk ka pranuar ngritjen e komisionit hetimor që e ka bërë të qartë gjykata kushtetuese në vitin 2011 dhe jemi para një historie të vjetër. Ky fakt na con prapë në pozitat e shkeljes së kushtetutës së një krimi kushtetues nga mazhoranca?, u shpreh Paloka.