web counter
LEXO PA REKLAMA!

SHKARKO APP

App Store
Google Play

E fundit!

x

Zv/Presidenti i BB-së letër Metës: Zbatimi i reformave, me rëndësi për Shqipërinë

13 Prill 2016, 09:15, Aktualitet CNA

Kryetari i Kuvendit, Ilir Meta mori një mesazh falenderimi nga Zëvendës Presidenti Rajonal për Evropën dhe Azinë Qendrore i Bankës Botërore, Cyril Muller, i cili vlerëson shkëmbimin e pikëpamjeve dhe diskutimin mbi trajektoren e zhvillimit të vendit dhe reformave kyçe.

?Do të dëshiroja t?ju falënderoja për shtjellimin e pikëpamjeve tuaja, përfshirë progresin për reformën në drejtësi, kritike për rrugën e integrimit në BE të Shqipërisë. Jam i impresionuar nga angazhimi juaj i fortë për të çuar përpara këtë punë të rëndësishme, e cila është e domosdoshme për rritjen e transparencës, luftën kundër korrupsionit dhe përmirësimin e klimës së biznesit. Vëmendja e vazhdueshme për implementimin e reformave është kritike për rritjen ekonomike të Shqipërisë dhe rimëkëmbjen e saj. Sikurse diskutuam, progresi në zbatimin e kontratave dhe ekzekutimin e kolateraleve është kritik për thellimin e stabilizimit të sektorit financiar dhe rritjes së kredisë?, citohet zv/Presidenti Muller.

Më tej në letër ai thotë se ndihet i inkurajuar nga progresi i bërë nëpërmjet projekteve të financuara nga Banka Botërore, ndërsa shpreh kënaqësinë që disa çështje të implementimit që u diskutuan gjatë takimit vitin e shkuar në Washington, tashmë janë zgjidhur.

?Mbështetja juaj e vazhdueshme për implementimin e suksesshëm të projekteve të financuara nga Banka Botërore është tejet e vlerësuar. Përfitoj gjithashtu nga ky rast të evidentoj me kënaqësi lidershipin tuaj për të ndërtuar konsensus në Parlament, mbi çështje të rëndësishme të legjislacionit që lidhen me axhendën e reformave të qeverisë në mjaft fusha, që janë gjithashtu të mbështetura nga Banka Botërore?, thuhet në mesazhin e Cyril Muller, Zv/President për Evropën dhe Azinë Qendrore i BB-së





Lajmet e fundit nga