E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Betonizimi i Parkut/ Presidenti Nishani solidarizohet me aktivistët e shoqërisë civile

13 Prill 2016, 13:18, Aktualitet CNA

Presidenti i Republikës, Bujar Nishani iu përgjigj sot ftesës së anëtarëve të grupimit qytetar për të vizituar nga afër vendin ku po betonizohet Liqeni Artificial.

Pasi u njoh me projektin, që po ndërtohet nga bashkia e Tiranës, Kreu i Shtetit e cilësoi atë ?një vandalizëm? që po i bëhet parkut të kryeqytetit, ndërsa u solidarizua me lëvizjen qytetare që e kundërshton këtë projekt.

?Jam sot këtu për t?u solidarizuar me këtë lëvizje qytetare të të rinjve, të djemve e vajzave të shkolluar e mendjehapur. Por, kur vjen këtu reagimi i parë është i trishtë. Ky vandalizëm që po i bëhet parkut të liqenit, e vetmja pasuri publike çlodhëse që i ka mbetur Tiranës, është i papranueshëm?, deklaroi Nishani.

?Ju takon në radhë të parë qytetarëve të Tiranës, që t?i rezistojnë vandalizmit dhe vandalëve. Kjo lëvizje qytetare shkon përtej kauzës së një parku, pasi ajo është një lëvizje për emancipim dhe civilizim. Ju inkurajoj të mos lodheni, pasi lëvizja juaj nuk është politike, as partizane, por një lëvizje qytetare dhe europiane?, deklaroi Presidenti Nishani.

Ndërtimi i një këndi lojrash në parkun e liqenit artificial të Tiranës prej gati dy muajsh ka shkaktuar përplasje të forta mes bashkisë së Tiranës nga njëra anë dhe grupimeve të shoqërisë civile të mbështetura nga opozita, nga ana tjetër, që kanë dalë në mbrojtje të Parkut, si e vetmja hapësirë e gjelbër publike në kryeqytet.

Fillimisht, kundërshtimet nisën me protesta para bashkisë, ku kërkohej ndalimi i punimeve dhe transparencë për projektin ndërtimor. Por, më pas përfaqësuesit e shoqërisë civile e rrethuan kantierin e ndërtimit, ndërsa më pas protestat u përshkallëzuan duke çuar edhe në përleshje trup me trup me policinë bashkiake.