Kreu i LDE Galdini: Fatos Tushe nuk e meriton te jete me Kryetar Bashkie i Lushnjes

13 Prill 2016, 12:09, Aktualitet CNA

Nderkohe qe Gjermania e sheh Shqiperine si vendin e fundit ku mund te behet biznes, – deklaron per mediat Arian Galdini – ja ku na vjen nje tjeter arsye nga Lushnja per ta kuptuar se perse jemi te renditur keshtu. Arroganca e nje Kryetari Bashkie ndersa komunikon me tregetaret protestues, mungesa e respektit per ta, gjuha fyese, percmuese, flet vete per kete qenie te re qe kemi prodhuar si te shiringuar me hormone ligesie, qe quhet Kryetari Cifligar i nje Bashkie. Ne Tirane Erion Veliaj u rrit taksat dhe i fyen. Ne Lushnje Fatos Tushe u percmon 12 femijet dhe u thote se do tua fuse portofolin ne goje. E per ctregetare behet fjale? Per tregetare qe punojne per buken e gojes.

Me tej Kryetari i LDE Arian Galdini vijon: “A mund te vazhdoje nje soj i tille zyrtari e gojeshthurruri si Fatos Tushe, te qendroje ne Krye te Bashkise se Lushnjes? A mund te pranohet qe nje Kryetar Bashkie ti kerkoje llogari nje qytetareje se perse ajo ka bere 12 femije? Pergjegjshmeria institucionake, sociale dhe njerezore ne kete rast eshte nen zero. Po shkojme drejt kalimit te disa limiteve prej ngaku nuk e gjejme dot me rrugen drejt lirise, demokracise dhe europianizimit, nese e pranojme kete. E gjithe kjo ndodh ngase fillon me menyren sesi perzgjidhen Kandidatet per Kryetare Bashkie. Keta e nisin sepse mendojne se jane te forte. Paguajne tarifen e Kandidimit te Kryetaret e Partive, vene shume para ne dispozicion per fushaten zgjedhore. Pasketaj keta ne fushate takojne si kategori te pare, horrat, te fortet dhe batakcinjte e qyteteve. Kategoria e dyte qe takojne jane biznesmenet e qyteteve. Kategoria e trete jane strukturat e partise. E pasketaj ne fund ndoshta takojne edhe ndonje intelektual, artist apo qytetar. Ky realitet duhet ndryshuar., ose do te ndryshoje per keq cdo gje sa asgje nuk ka per te ndryshuar dot me. Qytetaret nuk duhet te konformohen e as ta pranojne kete realitet.”