web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku i Lushnjes ofendon qytetarët/ Reagon Avokati i Popullit (Video)

13 Prill 2016, 15:59, Aktualitet CNA

Avokati i Popullit, z. Igli Totozani, reagon pas gjuhës ofenduese ndaj qytetarëve, të kryetarit të Bashkisë së Lushnjes

Avokati i Popullit, z.Igli Totozani, e konsideron të papranueshëm, të padenjë dhe të dënueshëm, fjalorin e përdorur nga kryebashkiaku i Lushnjes z. Fatos Tushe, ndaj disa qytetarëve që protestonin përpara bashkisë, publikuar në një video në media.

?Çdo punonjës i administratës shtetërore, qendrore apo vendore, por sidomos të zgjedhurit me votë në krye të pushtetit vendor kanë detyrimin ligjor dhe moral t?u përgjigjen konform etikës dhe rregullave të institucionit, qytetarëve. Madje, janë pikërisht këta të zgjedhur që duhet të preokupohen më shumë se të tjerët për të zgjidhur hallet e qytetarëve dhe jo për t?i denigruar dhe fyer ata. Manifestimet e gjuhës së vrazhdë, ofenduese dhe në shkelje të etikës qytetare janë akte arrogance, në kundërshtim të plotë me funksionet që këta të zgjedhur ushtrojnë?,tha z. Totozani.

Avokati i Popullit shprehet i shqetësuar për këtë ngjarje dhe deklaron me bindje se asnjë zyrtar i shtetit që paguhet nga taksapaguesit shqiptarë nuk duhet të guxojë të ngrejë zërin ndaj qytetarëve, por duhet të jetë vetëm në shërbim të tyre. ?Një gjuhë e tillë nuk duhet të gjej vend në administratën publike dhe ngjarje të tilla të shëmtuara nuk duhet të përsëriten?, shprehet Avokati i Popullit z. Igli Totozani.

https://www.youtube.com/watch?v=9TT5ETYLfZc





Lajmet e fundit nga