web counter
LEXO PA REKLAMA!

SHKARKO APP

App Store
Google Play

150 kg marijuanë drejt Britanisë/ Arrestohen 3 shqiptarë në Spanjë (FOTO)

12 Prill 2016, 18:17, Aktualitet CNA

Policia spanjolle ka arrestuar tre shqiptarë pasi u kapën duke transportuar një sasi prej 150 kg drogë të llojit marijuanë në drejtim të Britanisë së Madhe.  Mësohet se përveç shqiptarëve, në prangat e policisë kanë rënë edhe 6 britanikë, një rus dhe një spanjoll. Fillimisht, policia spanjolle ndaloi një furgon të marrë me qira, i cili po udhëtonte drejt Britanisë. Brenda furgonit në një zonë me vakuum u gjetën 80 kg drogë e paketuar. Gjatë një kontrolli në banesë, një prej të arrestuarve u përpoq që të fshihte drogën në ballkon kur e kuptoi se policia po e ndiqte.

Policia spanjolle ka sekuestruar 360 00 paund gjatë bastisjeve në qytetet Coin, Mijas, Caseres si dhe në Costa del Sol, ku besohet se banda kryente aktivitetin e vet të drejtuar nga britanikë. Gjatë aksionit, janë sekuestruar edhe 8 makina si dhe peshore të posaçme për peshimin e drogës. Hetimet kishin nisur në muajin janar pas dyshimeve rreth një prone të blerë, ku ishte kultivuar kanabis. Më pas, droga shpërndahej në Britaninë e Madhe nëpërmjet furgonëve të marrë me qira. Fillimisht, policia ndaloi dy të dyshuar dhe më pas bëri edhe arrestimin e të tjerëve, emrat e të cilëve nuk bëhen të ditur.





Lajmet e fundit nga