web counter
LEXO PA REKLAMA!

SHKARKO APP

App Store
Google Play

E fundit!

x

Pagat e eurodeputetëve, diferencime të mëdha/ Kryesojnë italianët

12 Prill 2016, 17:08, Aktualitet CNA

Ka diferenca të mëdha mes pagave të eurodeputetëve dhe shpenzimeve në mbarë BE-në, e disa vende, sipas ?Euronews?-it, i paguajnë përfaqësuesit e tyre në Parlamentin Europian 10 herë më shumë se të tjerët.

Pagën bazë më të lartë në bllok e kanë italianët, që fitojnë rreth 167 mijë euro në vit, ndërsa homologët e tyre bullgarë çojnë në shtëpi vetëm 16.318 euro në 12 muaj.

Ligjvënësit nga Mbretëria e Bashkuar, Italia, Austria, Gjermania dhe Holanda fitojnë që të gjithë më shumë se pjesa tjetër e eurodeputetëve, që marrin diku te 96 mijë euro në vit. Të dhënat, thotë ?Euronews?, i cili ka kryer edhe verifikimet, dëshmojnë hendekun e thellë Lindje-Perëndim brenda vet BE-së.

Dallimi në paga nuk shpjegohet vetëm me ndryshimet e kostos së jetës nëpër Europë. Një prej ankesave kryesore është se, parlamentarët fitojnë më tepër sesa shumica e njerëzve që përfaqësojnë, megjithëse mospërputhjet variojnë goxha.

Bullgaria dhe 3 vendet baltike, Letonia, Lituania dhe Estonia, llogaritet të kenë pagesa jo të këqija në raport me fitimet mesatare brenda kufijve të tyre, ndërsa racionin më të vogël e kanë – sipas përllogaritjeve, – Malta dhe Spanja./TCH





Lajmet e fundit nga