web counter
LEXO PA REKLAMA!

SHKARKO APP

App Store
Google Play

Mediu: Tahiri të bëjë rolin e ministrit, jo të gjyqtarit!

12 Prill 2016, 17:57, Aktualitet CNA

Kryetari i Partisë Republikane Fatmir Mediu është shprehur se Saimir Tahiri duhet të bëjë rolin e ministrit dhe të mos bëjë rolin e gjyqtarit. Në një intervistë për Report TV, Mediu reagoi lidhur me akuzat që Tahiri ka bërë për tragjedinë e Gardecit, duke e cilësuar Kreun e PR-së si një nga përgjegjësit.

“Fakti i keq i këtij vendi është që ka një të marrë ministër të Brendshëm. Tahiri nuk vlen ta komentoj. Është ai që është. Ai se ka problem të shkel ligjin. Ai meriton që t’i kthehem ndryshe, por unë kam respekt për qytetarët. Kanë gjithë shoqëria shqiptare fakte për Saimir Tahirin. Ai kujton se është dhe prokuror dhe gjyqtar. Saimir Tahiri duhet të bëjë rolin e ministrit dhe të mos bëj rolin e gjyqtarit,” tha Mediu.

Gjithashtu Mediu foli dhe për kushtet e opozitës për të pasur marrëdhënie normale me Parlamentin. Ai deklaroi se nëse mandatet e tre deputetëve shkojnë në Gjykatë Kushtetuese, opozita do të rikthehet në Parlament.

Përsa i përket Reformës Zgjedhore Mediu përsëriti qendrimin e tij për lista të hapura si dhe votim e numërim elektronik. Po ashtu ai kërkoi që të sanksionohet me ligj, ndalimi i kalimit të deputetëve nga një forcë politike tek tjetra.





Lajmet e fundit nga