web counter
LEXO PA REKLAMA!

SHKARKO APP

App Store
Google Play

E fundit!

x

VIDEO-Policia e Vlorës sekuestron 22 kg drogë/ Arrestohen 2 persona

4 Prill 2016, 17:15, Aktualitet CNA

Shërbimet e Policisë së Vlorës, në kuadër të operacionit të koduar “Resulaj”, kanë bërë të mundur kapjen dhe arrestimin në flagrancë të dy personave në aksin rrugor “Resulaj – Selenicë”. Mësohet se në prangat e policisë kanë rënë shtetasit:

1. Fatjon Zykaj, 30 vjeç, banues në fshatin Resulaj – Vlorë.

2. Pajtim Basho, 50 vjeç, banues në Bashkinë Selenicë – Vlorë.

Këta shtetas, duke udhëtuar në aksin rrugor pranë fshatit Resulaj, në drejtim të Selenicës, me automjetin tip “Audi A-3” me targë: Vl5011C, në pronësi të shtetasit: Fatjon Zykaj, janë kapur në flagrancë në ndjekie nga Policia, pasi gjatë një kontrolli të ushtruar në këtë automjet, është konstatuar një sasi me lëndë narkotike prej 19 kg e 400 gr, të llojit “Cannabis sattiva” (fshehur në bagazhin e këtij mjeti, mbështjellë me thasë prej thurje).

Gjatë kontrollit të ushtruar në banesën 3-katëshe të shtetasit: Fatjon Zykaj, në fshatin Resulaj, Shërbimet e Policisë kanë gjetur një sasi me lendë narkotike prej 820 gr, të llojit “Cannabis sattiva” (fshehur në katin e 2-të të kësaj banese).

Gjithashtu, gjatë kontrollit të ushtruar në banesën e shtetasit: Pajtim Basho, në Bashkinë Selenicë, Shërbimet e Policisë kanë gjetur një sasi me lëndë narkotike prej 2 kg e 100 gr, të llojit “Cannabis sattiva” (futur në një çantë sportive dhe fshehur në një kuti kartoni).

Policia ka bllokuar dhe sekuestruar në cilësinë e provës materiale: – Në total: 22 kg e 320 gr, lëndë narkotike të llojit “Cannabis sattiva”, – një automjet tip “Audi A-3” me targë: VL5011C, – 3 aparatë celularë.

VIDEO

 





Lajmet e fundit nga