E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Thasët më para të Genc Pollos/ Nga Qiproja në Panama

4 Prill 2016, 16:04, Aktualitet CNA

Sapo flitet për llogari të dyshimta bankare, parajsa fiskale, pastrim apo fshehje parash menjëherë shfaqet në publik emri i Genc Pollos, ish-ministër Arsimi dhe më pas Inovacioni në qeverinë Berisha. Një nga deputetët e sotëm që përflitet për lidhje të thella dhe pazare me qeverinë Rama të cilat fillojnë tek Koço Kokëdhima dhe përfundojnë tek tenderi për dixhitalizimin e TVSH, firmosur pak kohë më parë nga Milena Harito.

I pari Koço Kokëdhima, është mbrojtësi politik i Genc Pollos, si shpërblim për mbështetjen që ky i fundit i dha kur PD ishte në pushtet. Kompania Abissnet, sipas vetë Kokëdhimës u ngrit duke fituar tendera gjatë qeverisë të Berishës.

E dyta për tenderin e dixhitalizimit të TVSH-së duke ndjekur gjurmët e parardhësit të saj. Ajo foli në publik, akuzoi por asnjëherë nuk i coi shkeljet ligjore të Pollos në prokurori, mjafton ai tender që Genc Pollo të kalojë jo pak ditë pas hekurave të burgut.

Qiproja

Opozita e djeshme dhe qeveria e sotme, publikuan kohë më parë llogari bankare në bankat qipriote. Këto u bënë publike pak përpara se këto banka të shfaqnin problemet e tyre financiare. PS-ja në disa konferenca për shtyp linte të kuptonte se njeriu që akuzohet ishte Genc Pollo, por kurrë nuk ja tha emrin as shkoi më tej me denoncimin, megjithëse publikisht deklaronte se kishte çdo të dhënë. Akuzat u kaluan në heshtje, gjithcka sërish e zgjidhi Kokëdhima, ai urdhëroi heshtjen e opozitës së djeshme. Genc Pollos nuk i hyri asnjë gjemb në këmbë, gjithkçka u kalou në heshtje.

Panamaja

Prej disa ditësh ka plasur një tjetër skandal me fshehje pasurish dhe miliarda dollarë gjendje në bankat e Panamasë. Një oaz pastrimi paraje ku janë përfshirë shumë nga liderat botërore, përfshi Putin Assad, babai i kryeministrit britanik Cameron, futbollisti Messi etj.

Por në këtë listë u shfaq edhe një biznesmen shqiptar i cili u identifikua si njeriu i Genc Pollos. Kjo nuk u bë nga njerëz anonimë por nga Mero Baze një nga njerzit më të afërt të Sali Berishës për të pakten 16 vite. Në një postim të tij Mero Baze, shkruan se biznesmeni Ismail Mulleti që i janë zbuluar llogari në Panama është njeriu i Genc Pollos.

?Ismail Mulleti është mbulesa e Genc Pollos në çdo biznes që nga viti 1996?, shkruan në një postim të tij një nga njerzit që e ka njohur nga afër Genc Pollon dhe PD-në. Më tej Baze akuzon edhe Shkelzen Berishën si njeriun që qëndron pas markimit të karburanteve kompani e cila është në pronësi të Ismail Mulletit.

Gazetari Artan Hoxha në një koment të tij për News24 tha se ?Mulleti është biznesmen i njohur në Shqipëri. Pas biznesmenëve qëndrojnë politikanët. Të gjitha privatizimet e para në Shqipëri, në fillim na janë paraqitur me një emër amerikan. Qëllimi është fshehja e origjinës së aksionerëve. Politikanët të kamufluar pas biznesmenëve?, u shpreh Artan Hoxha.

Në të dy rastet edhe në Qipro edhe në Panama na del publikisht emri i Genc Pollos. Asnjë politikan tjetër nuk flitet për të tilla llogari të fshehta jashtë vendit në ato që quhen ?parajsa fiskale?. Aty ku fshihen lekët e korrupsionit, drogës, prostitucionit, trafiqeve, por edhe shmangen taksat e fashihen miliardat e vjedhura nga xhepatat e taskave dhe buxhetet e qeverive.

Në të dy rastet kemi vetëm Genc Pollon asnjë politikan tjetër. I akuzuar direkt nga politikanë dhe gazetarë, Genc Pollo duket të jetë ?parajsa e korrupsionit? për qeverinë e djeshme. Katër vite në drejtimin e Ministrisë së Arsimit dhe më pas tek Inovacioni, me jo pak skandale të publikuara në media tregojë dhe flasin jo pak sot pas akuzave të bëra publike ndaj tij./citynews