web counter
LEXO PA REKLAMA!

SHKARKO APP

App Store
Google Play

Thellohet skandali/ Provimi i noterëve garë e trukuar, fitojnë miqtë dhe familjarët e pushtetarëve

2 Prill 2016, 09:11, Aktualitet CNA

 

Provimi për licensimin e noterëve kthehet në një skandal për Ministrinë e Drejtësisë.

Pas publikimit nga citynews të rastit kur noteri Muli Mallkuçi, i dënuar më parë për korrupsion, ishte shpallur fitues, reagoi Ministria e Drejtësisë. Të tjera denoncime me emra, lidhjet e tyre nepotike, mbështetje politike dhe akuza se ky provim ka qenë i manipuluar kanë mbërritur pranë citynews. Kanë qenë qytetarët ata të cilët kanë reaguar, duke denoncuar me emra konkret manipulimin e provimit për dhëninen e liçensave.

Lista duket të jetë me familjarë, të njerëzve të pushtetshëm, por edhe me individë me lidhje të drejtpërdrejta politike. Burimet i thanë citynews se licensë noteri ka marrë edhe Violeta Lita, gruaja e shefit të kabinetit të Ministrit të Drejtësisë, Elton Lita. Ndërkohë,Violeta Lita dhe Muli Mallkuçi nuk janë të vetmit që përmendën në këtë skandal.

Të njëjtat burime i thanë citynews se fituese është shpallur Jonada Lalaj, motra e Bledar Dervishaj keshilltar i Ministrit, i denuar për korrupsion. E gjithë lista është e trukuar, ndërsa denoncohet se mbiemrat Imeraj, Lita, Spahiu etj tregojnë për lidhje të tyre me njerëz të pushtetit. Drejtoresha e Tatimeve, Briseida Shehaj nuk ka ngelur jashtë këtij skandali. Burimet i thanë citynews se Aurela Bicja, e shpallur fituese me 94 pikë, është shoqja e ngushtë e Shehajt. Të njëjtat burime shtojnë se Bicja është favorizuar në konkurs pikërisht për shkak të miqësisë së ngushtë me Drejtoreshën e Tatimeve.

Provimi i noterëve duket të jetë skandali i rradhës i qeverisë, që fillon tek Ministria e Drejtesisë, koalicioni politik qeverisës dhe përfundon tek paradhoma e kryeministrit Edi Rama./citynews





Lajmet e fundit nga